ئه‌مریکا بۆ پاڵپشتی کورد هێز ڕه‌وانه‌ی ڕۆژهه‌ڵاتی سووریا ده‌کات

هه‌واڵده‌ریی شین هۆوا لە ڕەوانە کرانی هێزی ده‌ریایی ئەمریکی بۆ ڕۆژهه‌ڵاتی سووریا لە پێناو پاڵپشتی له‌ هێزه‌ کوردییه‌کان له‌ شه‌ڕی دژ به‌ داعش هەواڵی دا.

بە ڕاپۆرتی ئاژانسی هەواڵی مێهر بە گێڕانەوە لە هه‌واڵده‌ریی شین هۆوا، هێزی سووریای دیموکراتیک به‌ سه‌رکردایه‌تیی کورده‌کان، مانگی ڕابردوو دوایین قۆناغی ئۆپه‌راسیۆنی سه‌ربازیی دژ به‌ چه‌کدارانی داعش له‌ ڕۆژهه‌ڵاتی پارێزگای د‌یره‌زوور به ‌تایبه‌ت شاری هه‌جین ده‌ست پێکرد.

بە گوێرەی ئەو هەواڵە، تا ئێستا له‌و ئۆپه‌راسیۆنه‌دا ١١٣ کەس لە هێزەکانی هەسەدە گیانیان له‌ ده‌ست داوه‌ و ۲۱۱ چه‌کداری داعش-یش کوژراون.

شه‌وی ڕابردوو هه‌ندێک له‌ میدیاکانی سووریا له‌ کوژرانی دوو هێزی ئه‌مریکا و ۵ هێزی کورد بە هۆی ته‌قینه‌وه‌ی ئۆتۆمبیلێکی بۆمبڕێژکراوی داعش له‌ ڕۆژهه‌ڵاتی سووریا هەواڵیان دا.

هەروەها شین هۆوا لەو‌ ڕاپۆرته‌دا له‌ زمانی سه‌رچاوه‌ خۆجێییه‌کانی سووریاوه‌ ڕایگەیاند که‌ ئه‌مریکا به‌ مەبەستی پاڵپشتی له‌ کورده‌کان، ژماره‌یەک له‌ هێزه‌ ده‌ریاییه‌کانی خۆی ناسراو به‌ مارینزی ڕه‌وانه‌ی ئه‌و ناوچه‌یه‌ کردووه‌ و ئه‌وه‌ له‌ حاڵێکدایه‌ که‌ ئه‌مریکا پێشتر ته‌نها له‌ ڕێگەی بۆردومانی ئاسمانی و تۆپخانه‌یی پاڵپشتی له‌ کورده‌کان ده‌کرد.

هاوکات ماڵپه‌ڕی ئانتی واریش لەوبارەیەوە بڵاوی کردەوە کە هێزه‌کانی ئه‌مریکا چوونه‌ته‌ ناو ڕۆژهه‌ڵاتی سووریا و ئه‌مه‌ یه‌که‌مین جاره‌ ئه‌مریکا بۆ پاڵپشتی ڕاسته‌وخۆ له‌ هێزه‌ کوردییه‌کان له‌ ئۆپه‌راسیۆنی زه‌وینی، هێز ڕه‌وانه‌ی ئه‌و وڵاته‌ ده‌کات.

News Code 22206

نیشانەکان

بۆچوونی ئێوە

You are replying to: .
  • 2 + 3 =