عەرەبستان بێ ئه‌مریکا ۲ حه‌فته‌ش به‌رگه‌ ناگرێت

سه‌رۆک کۆماری ئه‌مریکا بۆ دووهه‌مین جار له‌ یه‌ک حه‌فته‌ی ڕابردوو، یارمه‌تی واشنتۆن به‌ عه‌ره‌بستانی به‌ گوێی مه‌لکی وڵاته‌دا دایه‌وه‌.

به‌ ڕاپۆرتی ئاژانسی مێهر له‌ ڕۆیترز، دۆناڵد ترامپ، سه‌رۆک کۆماری ئه‌مریکا وتی: به‌ بن سه‌لمان بن عه‌بدول عه‌زیز مه‌له‌کی عه‌ره‌بستانم وتووه‌ که‌ بێ پشتیوانی ئه‌مریکا به‌رگه‌ی ۲ حه‌فته‌ش ناگرن.

ئه‌و زیادی کرد: ئێمه‌ پشتیوانی له‌ عه‌ره‌بستان ده‌که‌ین. منیش مه‌له‌ک سه‌لمانم خۆش ده‌وێت و پێم وت ئێمه‌ له‌ ئێوه‌ پشتیوانی ده‌که‌ین و بێ ئێمه‌ش ۲ حه‌فته‌ به‌رگه‌ ناگرن، که‌واته‌ ده‌بێت تێچووی ئه‌م بابه‌ته‌ بده‌ن.

ترامپ پێشتریش به‌ هۆی به‌رز بوونه‌وه‌ی نرخی نه‌وت ڕه‌خنه‌ی تووندی له‌ عه‌ره‌بستان کردبوو. ئه‌و له‌مباره‌وه‌ وتی: وڵاتانی ئه‌ندامای ئۆپێک پاره‌ی زیایی له‌ جیهان وه‌رده‌گرن، ئێمه‌ ئه‌منیه‌تی زۆر له‌م وڵاتانه‌مان پاراستووه‌ و ئه‌وان له‌ به‌رانبه‌ردا نرخی نه‌وت له‌ ئێمه‌ گران ده‌که‌ن.

ترامپ ڕۆژی شه‌مه‌ش له‌گه‌ڵ مه‌له‌ک سه‌لمان سه‌باره‌ت به‌ نرخی نه‌وت قسه‌ی کرد. 

ترامپ له‌ درێژه‌دا وتی: ئێمه‌ سونسید به‌ سوپای ئه‌وان ده‌ده‌ین لێم پرسی باشه‌ بۆ ده‌بێت ئێمه‌ سوبسید به‌ سوپای ئێوه‌ بده‌ین ئێوه‌ خۆ وڵاتێکی وێران و تووشی شه‌ڕ نین، ئێوه‌ وڵاتانێکی زۆر ده‌وله‌مه‌ندن وه‌ک ژاپۆن و کۆریای باشوور ده‌بێت خۆشتان تێچووی ئه‌منیه‌تی خۆتان بده‌ن.

ترامپ ساڵی ڕابردووش ڕایگه‌یاند بوو که‌ عه‌ره‌بستان وه‌ک گای شیری وایه‌ و ده‌بێت بیاندۆشین.

News Code 22140

نیشانەکان

بۆچوونی ئێوە

You are replying to: .
  • 7 + 3 =