تاقه‌تی ئێرانیش سنووری هه‌یه‌/باشتر له‌ به‌رجام نابێته‌ به‌شی ئه‌مریکا

وه‌زیری ده‌ره‌وه‌ی ئێران له‌ گفتوگۆ له‌گه‌ڵ بی بی سی پشتیوانی ئه‌ورووپا له‌ به‌رجامی به‌ باش وه‌سف کرد و وتی: بڕیار نییه‌ که‌ ئێران بۆ پێبه‌ند بوونی ئه‌وان به‌ به‌رجام له‌وه‌ زیاتر چاوەڕوان بێت.

به‌ ڕاپۆرتی ئاژانسی مێهر، محه‌مه‌د جه‌واد زه‌ریف، وه‌زیری ده‌ره‌وه‌ی ئێران له‌ گفتوگۆ له‌گه‌ڵ بی بی سی وتی: له‌ به‌رانبه‌ر گوشاره‌کانی ئه‌مریکا، پشتیوانی ئه‌ورووپا له‌ به‌رجام زۆر باش بووه‌.

ئه‌و زیادی کرد: هه‌وڵ بۆ مانه‌وه‌ی به‌رجام زۆر ئه‌سته‌مه‌ و ئه‌مریکا ڕۆڵی گه‌وره‌ی له‌ سیستمی دارایی جیهان هه‌یه‌، ئایا جیهان مل به‌ حاکمیه‌تی ئه‌مریکا ده‌دات؟ له‌ ڕابردوودا ئه‌مه‌ ده‌کرا چون به‌ پێی بڕێک یاسا بوو به‌ڵام ئێسته‌ له‌ ئه‌مریکا هه‌ر ڕۆژ بڕیارێک ده‌رده‌چێت.

زه‌ریف وتیشی: ترێزا مه‌ی و ماکرۆن و ڕێبه‌رانی دیکه‌ی ئه‌ورووپا پێبه‌ندن به‌ به‌رجام و دانیان ناوه‌ به‌ مافی ئابووری ئێران له‌م ڕێککه‌وتنه‌. ئه‌ورووپا ڕێکاری داوه‌ و قۆناغی داهاتوو قۆناغێکی زۆر گرنگه‌ که‌ چۆنیه‌تی جێبه‌جێ کردنی ئه‌م ڕێکاره‌ دیاری ده‌کات. ئێران جارێ چاوه‌ڕوان ده‌بێت، هه‌ڵبه‌ت ئه‌مه‌ش بێژم تاقه‌تی ئێرانیش سنووری هه‌یه‌ و ئێمه‌ جارێ چاوه‌ڕوانین بزانین ئه‌نجامی ئه‌م کاره‌ی ئه‌ورووپا ده‌بێته‌ چی.

ئه‌و سه‌باره‌ت به‌ دیداری ترامپ و ڕۆحانی ڕایگەیاند: ئه‌گه‌ری هه‌موو شتێک هه‌یه‌، به‌ڵام ئێمه‌ ڕێککه‌وتنێکی ۱۵۰ لاپه‌ڕه‌یمان هه‌یه‌ به‌ ناوی به‌رجام که‌ هه‌موو ڕێکاره‌کانی دانوستانی تێدا دیاری کراوه‌. من وه‌ک که‌سێک به‌شدار بووم له‌م ڕێککه‌وتنه‌ به‌ ترامپ ده‌ڵیم ئه‌مریکا باشتر له‌مه‌ ڕێککه‌وتنی ده‌ست ناکه‌وێت.

زه‌ریف لەبارەی په‌یوه‌ندی نێوان ترامپ و کیم جۆنگ ئۆن وتی: په‌یوه‌ندی نێونه‌ته‌وه‌یی خۆی په‌یوه‌ندی عاشقانه‌ نییه‌ به‌ڵکو ڕێز گرتن له‌ به‌ڵێن و په‌یمان نامه‌کانه‌.  ئێمه‌ قسه‌ له‌ ڕێککه‌وتنێک ده‌که‌ین که‌ ۷ وڵات به‌ ئه‌مریکاشه‌وه‌ واژۆیان کرد ئه‌مه‌ خۆ ڕێککه‌وتنی نێوان ئۆباما و ڕۆحانی نه‌بوو که‌ ئێسته‌ وه‌ها پێشێل بکرێت.

News Code 22137

نیشانەکان

بۆچوونی ئێوە

You are replying to: .
  • 3 + 3 =