یه‌که‌م وێنه‌کانی شوێنێ هێرشی مووشه‌کی ئێران بڵاو کرایه‌وه‌

هێزی ئاسمانی سوپای پاسدارانی ئێران یه‌که‌م وێنه‌کانی ئه‌و شوێنه‌ی مووشه‌که‌کانی ئێران له‌ سووریا پێکاویه‌تی بڵاو کرده‌وه‌.

به‌ ڕاپۆرتی ئاژانسی مێهر سوپا نیوز، دوای یه‌ک حه‌فته‌ له‌ هێرشی مووشه‌کی سوپای پاسداران بۆ سه‌ر بنکه‌ی داعشییه‌کان له‌ سووریا، هێزی ئاسمانی سوپای پاسدارانی ئێران یه‌که‌م وێنه‌کانی ئه‌و شوێنه‌ی مووشه‌که‌کانی ئێران پێکاویه‌تی بڵاو کرده‌وه‌.

سه‌ردار حاجی زاده‌، فه‌رمانده‌ی هێزی ئاسمانی سوپای پاسداران له‌مباره‌وه‌ وتی: ناوچه‌ی ڕۆژهه‌ڵاتی فورات و بنکه‌کانی تیرۆریسته‌کانی داعش له‌ ژێر کۆنترۆڵی ئه‌مریکایه‌ و ئه‌مریکا له‌م ناوچانه‌ ناوچه‌ی دژه‌ فڕینی ڕاگه‌یاندووه‌.

ئه‌و زیادی کرد: به‌کارهێنانی فڕۆکه‌ی بێ فڕۆکه‌وان ده‌بووه‌ هۆی ئه‌وه‌ی که‌ ئه‌مریکا چاودێڕی ئۆپراسیۆنه‌که‌ بکات و ته‌نانه‌ت تیرۆریسته‌کان له‌ هێرشه‌که‌ ئاگادار بکاته‌وه‌. له‌م ئۆپراسیۆنه‌ له‌ مووشه‌ک و فڕۆکه‌ بێ فڕؤکه‌وان سوودمان برد.

حاجی زاده‌ وتی: ئێسته‌ وێنه‌کان له‌ لایه‌ن فڕۆکه‌ بێ فڕۆکه‌وانه‌کانی ئێرانه‌وه‌ گیراوه‌ هه‌موو که‌سی ده‌توانێت سه‌یری بکات و ببینێت چیمان به‌ سه‌ر تیرۆریسته‌کاندا هێناوه‌.

News Code 22135

نیشانەکان

بۆچوونی ئێوە

You are replying to: .
  • 5 + 6 =