۴۰ که‌س له‌ تیرۆریسته‌کانی داعش له‌ هێرشه‌ مووشه‌کیه‌که‌ی ئێراندا کوژراون

فه‌رمانده‌ی ئاسمانی سوپای پاسدارانی ئێران وتی: نزیک به‌ ۴۰ تیرۆریستی داعشی کوژراون، به‌ڵام ته‌رمه‌کانیان له‌ ژێر خۆڵدا ماوه‌ته‌وه‌ و زانیارییه‌ له‌ دواهاتوودا بڵاو ده‌بنه‌وه‌.

به‌ ڕاپۆرتی ئاژانسی مێهر، ئه‌میر عه‌لی حاجی زاده‌، فه‌رمانده‌ی هێزی ئاسمانی سوپای پاسدارانی ئێران سه‌باره‌ت به‌ هێرشی مووشه‌کی ئێران بۆ سه‌ر بنکه‌ی تیرۆریسته‌کان له‌ سووریا وتی: گرنگی ئه‌م ئۆپراسیۆنه‌ له‌وه‌دا بوو که‌ ئیتلاعاتی سوپای پاسداران زانیاری وردی دا به‌ ئێمه‌. هه‌روه‌ها له‌ هێرشه‌که‌ی سه‌ر هه‌رێمی کوردستانیش زانیاری وردیان به‌ ئێمه‌ دا.

ئه‌و زیادی کرد: ئه‌م ناوچه‌یه‌ له‌ نزیک فورات بوو که‌ له‌ ژێر ده‌ستی ئه‌مریکاییه‌کانه‌، ئێمه‌ نه‌ماتوانی له‌ فڕۆکه‌ی بێ فڕۆکه‌وان سوود ببه‌ین چون ڕه‌نگه‌ ئه‌مریکا به‌ تیرۆریسته‌کان هۆشداری بدایه‌ت و ناوچه‌که‌یان چۆڵ بکرادایێت، هێرشه‌که‌ هێرشێکی مووشه‌کی به‌ هاوڕێی فڕۆکه‌ی بێ فڕۆکه‌وان بوو.

حاجی زاده‌ وتی: به‌ پێی زانیارییه‌کانی ئێمه‌  نزیک به‌ ۴۰ تیرۆریستی داعشی کوژراون، به‌ڵام ته‌رمه‌کانیان له‌ ژێر خۆڵدا ماوه‌ته‌وه‌ و زانیارییه‌ له‌ دواهاتوودا بڵاو ده‌بنه‌وه‌. سوپای قودس جه‌ختی کردووه‌ که‌ له‌و شوێنه‌دا فه‌رماقنده‌کانی داعشیش بوون که‌ مووشه‌که‌کانی ئێران پێکاویه‌تی. ئێمه‌ له‌ ئۆپراسیۆنه‌ بینایه‌کی بچووکمان کرده‌ ئامانج که‌ ئه‌م کاره‌ش به‌ مووشه‌کی زۆر ده‌قێق ئه‌نجام ده‌بێت که‌ زۆر پێشکه‌وتوو بێت.

ئه‌و ئاماژه‌ی دا: به‌و وڵاتانه‌ی وه‌ک ئیمارات، عه‌ره‌بستان و ئه‌مریکا که‌ له‌ تیرۆریسته‌کان له‌ دژی ئێمه‌ پشتیوانی ده‌که‌ن ده‌ڵێین که‌ تاقه‌ت و دڵگه‌وره‌یی ئێمه‌ سنووری هه‌یه‌. ئێمه‌ له‌ کاردانه‌وه‌ به‌ تیرۆریسته‌کان زوو کاردانه‌وه‌مان ده‌بێت به‌ڵام به‌ نیسبه‌ت وڵاتان چاوه‌ڕوان ده‌بین بۆ کاتی خۆی. دڵنیا بن پشتیوانی ئێوه‌ له‌ تیرۆریسته‌کان وڵامی ده‌بێت و باشتر وایه‌ ده‌ست له‌م کاره‌ هه‌ڵبگرن.

شایانی باسه‌ که‌ هێزه‌کانی سوپای پاسدارانی ئێران له‌ وڵامی هێرشه‌ تیرۆریستییه‌کانی شاری ئه‌هواز ۷ مووشه‌کی له‌ بنکه‌ی داعشییه‌کان له‌ سووریا گرت.

News Code 22128

نیشانەکان

بۆچوونی ئێوە

You are replying to: .
  • 1 + 6 =