سوپای سووریا ۶ کیلۆمه‌تری دیکه‌ش پیشڕه‌وی کرد

پێشڕه‌وی سوپای سووریا له‌ بیاوانی سوه‌یدا له‌ سووریا سه‌ره‌ڕای بوونی ئاسته‌نگەکان له‌ دژی داعش درێژه‌ی هه‌یه‌.

به ڕاپۆرتی ئاژانسی مێهر له‌ سپۆنتیک، سوپای سووریا به‌رده‌وامه‌ له‌ ئۆپراسیۆنه‌کانی خۆی له‌ دژی داعشییه‌کان له‌ بیاوانی سوه‌یدا. ئه‌م ئۆپراسیۆنه‌ له‌ ۵ میحوەرەوە خەریکە ئەنجام دەبێت.

سه‌رچاوه‌ سوورییه‌کان ڕایانگه‌یاند که‌ داعشییه‌کان زۆربه‌ی سه‌رچاوه‌ ئاوییه‌کانی خۆیان له‌ ده‌ست داوه‌ و توانی به‌رگریان نه‌ماوه‌ و زه‌ربی کوشه‌نده‌یان لێدراوه‌. 

هه‌روه‌ها سوپای سووریا توانیه‌تی نه‌خۆشخانه‌ کاتی و سه‌ربازییه‌کانی داعش ده‌ستی به‌ سه‌ردا بگرێت. دوێنێ سوپای سووریا توانی ۶ کیلۆمه‌تری دیکه‌ پێشڕه‌وی بکات و چه‌ندین هوماری  چه‌ک و خوارده‌مه‌نی ده‌ستی به‌ سه‌ردا بگرێت.

شایانی باسه‌ که‌ ئه‌م ناوچه‌یه‌ له‌ ڕوویی جۆغڕافییه‌وه‌ زۆر ناله‌باره‌ و پێشڕه‌وییه‌کان به‌ سه‌ختی ئه‌نجام ده‌بێت. تیرۆریسته‌کان که‌ به‌ ته‌واوی له‌ دوو شاخدا گه‌ماڕۆ دراون زۆربه‌یان ڕیش و پرچی خۆیان ده‌تاشن و وه‌ک خه‌ڵکی ئاسایی له‌ ناوچه‌که‌ ڕاده‌که‌ن. 

به‌ پێی مێدیاکان تیرۆریسته‌کان بۆ گواستنه‌وه‌ی چه‌ک و ته‌قه‌مه‌نی له‌ ولاغ سوود ده‌به‌ن و ئه‌مه‌ش به‌ هۆی ناله‌بار بوونی ناوچه‌که‌یه‌.

News Code 22097

نیشانەکان

بۆچوونی ئێوە

You are replying to: .
  • 6 + 1 =