وردەکاریی هێرشی مووشەکی سوپا/ مووشەکی قیام و زولفەقار لە سەر تیرۆریستان

سوپای پاسدارانی شۆڕشی ئیسلامی ڕایگەیاند: ٦ مووشەکی بالیستیکی مام ناوەند پێوی لە بنکەگەلی مووشەکیی رۆژئاوای وڵات، تیرۆریستانی لە مەودای ٥٧٠ کیلۆمەتری کردە ئامانج.

بە ڕاپۆرتی ئاژانسی هەواڵی مێهر، پەیوەندییە گشتییەکانی سوپای پاسدارانی شۆڕشی ئیسلامی لە ڕاگەیێندراوێکدا لە کرانە ئامانجی بنکەی سەرکردەکانی هێرشی تیرۆریستیی ئەهواز لە رۆژهەڵاتی فورات لە وڵاتی سووریا بە ٦ مووشەکی بالیستیکیی زەوی بە زەوی بە بڕەوی مامناوەندی لە یەکەمین کاتژمێرەکانی سەر لە بەیانیی ئەوڕۆ دووشەممە لە لایەن یەکینەی مووشەکیی هێزی هەوافەزای سوپا هەواڵی دا و جەختی کرد: ٦ مووشەکی بالیستیکی بە بڕەوی مامناوەندی لەوان قیام و زولفەقار لە بنکەگەلی مووشەکی لە رۆژئاوای وڵات، تیرۆریستانی لە مەودای ٥٧٠ کیلۆمەتری کردە ئامانج.

لە دەقی ڕاگەیێندراوەکەدا هاتووە: لە دوای هێرشی تیرۆریستی ٣١ی خەرمانانی ئەمساڵی هەتاوی لە ئەهواز کە بووە هۆی شەهید بوونی ٢٥ کەس و بریندار بوونی ٦٩ کەس لە خەڵکی چەوساوە و بێ پەنا و هێزەکانی بەرگریی نیشتمانی ئیسلامی، سوپای پاسداران بە ئیزنی خودا و بە وەکالەت لە لایەن گەلی سەربەرزی ئێران و بنەماڵەی بەرزی شەهیدان و وەڵامدانەوەی بانگی رێبەری باڵا و فەرماندەی گشتیی هێزەکان ئیمام خامنەیی بۆ تۆڵە ئەستاندنەوەی خوێنی ئەو شەهیدانە بە تایبەت منداڵی ٤ ساڵە و گیانبازی لە سەدا ٧٠ی بەرەڤانی پیرۆز لە تیرۆریستان و هۆکارانی ئەو ڕووداوە، کاتژمێر ٢ی ئەمڕۆ دووشەممە ٩ی ڕەزبەر، شوێنی جێگربوون و کۆبوونەوەی تیرۆریستانی تەکفیریی پاڵپشتکراوی ئەمریکا و زێدەخوازانی ناوچەیی لە رۆژهەڵاتی فورات لە وڵاتی سووریا کرانە ئامانجی قورسی مووشەکی.

سوپا ئاماژەی بەوەش کردووە: لەو ئۆپەراسیۆنە کە لە ژێر ناوی "پلاری موحەڕەم" و بە ڕەمزی پیرۆزی "یا حسێن" ئەنجام درا، ٦ مووشەکی بالیستیکی بە بڕەوی مامناوەندی لە بنکەگەلی مووشەکیی هێزی هەوافەزای سوپا لە رۆژئاوای وڵات تەقێندراوە و تیرۆریستانی بە کرێ گیراو و جەنایەتکاری لە مەودای ٥٧٠ کیلۆمەتری کردە ئامانجی پلاری قورس و کوشەندە.

ڕاگەیێندراوەکە باس لەوەش دەکات: هاوکات ٧ فرۆکەی بێ فرۆکەوانی هێزەکانی سوپا مۆڵگە و بنکەی کۆبوونەوە و پاڵپشتیی تیرۆریستانیان لە رۆژئاوای وڵات بۆردومان کرد کە بە پێی زانیاری و ڕاپۆرتگەلێکی وردبینانە کە گەیشتۆتە دەستما، ژمارێکی زۆر لە سەرکردە و هێزە کارامەکانیان لەو هێرشەدا یان کوژراون یان بریندار بوونە و زۆربەی ژێر خانەکان و هۆماری چەک و تەقەمەنیان تێک شکێندراوە.

سوپای پاسدارانی شۆڕشی ئیسلامی لە کۆتاییدا بە ئاماژە بەوەی کە چۆناوچۆن لێکدانەوە و پێوشوێن گرتنەکان سەلماندی کە هۆکاری شەهید و بریندارکردنی ڕۆڵەکانی گەلی ئێران لە رۆژهەڵاتی فورات لە سووریا و لە ژێر چەتری پاڵپشتیی ئەمریکایە، جەختی کرد: وەک هەمیشە هاووڵاتیانی خۆشەویست دڵنیا دەکەینەوە کە ئاسایشی گەلی ئێران هێڵی سووری هێزی چەکدارییە و سوپای پاسدارانی شۆڕشی ئیسلامی بە هاوڕێی و بەشداریی تەواو هێزی سەربازی، ئینتزامی و ئیتلاعاتیی وڵات لە پێناو پاراستنی ئێرانی ئیسلامی و دابین کردنی ئاسایش و ئاسوودەیی کۆمەڵگا تێدەکۆشێت و لە هیچ هەوڵێک ناکشێتەوە و وەڵامێکی قورس بە هەر جۆرە ئاژاوەنانەوە و دزێویی دوژمنان دەداتەوە.

News Code 22070

نیشانەکان

بۆچوونی ئێوە

You are replying to: .
  • 2 + 3 =