دەرهێنەرێکی کورد لە فێستیڤاڵی جیهانی ئیتالیا خەڵاتی وەرگرت

شەشەمین فێستیڤاڵی جیهانی فیلم و مووسیقای "پارما"ی ئیتالیا، خەڵاتی باشترین فیلم نامەی بەخشییە کورتە فیلمی "دوایین باوەش" بە دەرهێنەریی سامان حسەین پوور.

بە ڕاپۆرتی ئاژانسی هەواڵی مێهر لە پێوەندییە گشتییەکانی حەوزەی هونەری پارێزگای کوردستان، سامان حسەین پوور بە بۆنەی فیلمی" دوایین باوەش" ەوە خەڵاتی باشترین فیلم نامەی فێستیڤاڵی پارمای وەرگرت.

فیلمی " دوایین باوەش" کە لە بەرهەمەکانی حەوزەی هونەری کوردستانە، چیرۆکی بنەماڵەیەک دەگێڕێتەوە کە ئەوەندە سەریان بە ئینترنێت و تۆری کۆمەڵایەتیەوە قاڵە کە تەنانەت لە مەرگی یەکێک لە ئەندامانی بنەماڵەکەیان ئاگادار نابن..

شەشەمین فێستیڤاڵی جیهانی فیلمی " پارما" ی ئیتالیا لە ١٧ بۆ ٢٣ سێپتەمبەر بەڕێوە چوو.

سامان حسەین پوور لە دەرهێنەرە لاوەکانی کوردستانە کە تا ئێستا زیاتر لە ٤٠ خەڵاتی نەتەوەیی و نێودەوڵەتیی بە دەست هێناوە و لەم دواییانەدا نوێترین فیلمی بە ناوی " زەبح" بە هاوکاری هاوبەشی ئاکۆ زەندکەریمی و بەرهەمهێنانی حەوزەی هونەری کوردستان و ئەنجومەنی سینەمای جەوانی سنە تۆمار کردووە.

News Code 22049

نیشانەکان

بۆچوونی ئێوە

You are replying to: .
  • 8 + 6 =