هه‌ڕه‌شه‌ی سوپای پاسداران له‌ تیرۆریسته‌کانی په‌یوه‌ندیدار به‌ هێرشه‌که‌ی ئه‌هواز

سوپای پاسدارانی شۆڕشی ئیسلامی ئێران هاوکات له‌گه‌ڵ ده‌ربڕینی غه‌م و په‌ژاره‌ی خۆی له‌ ڕووداوی تیرۆریستی ئه‌هواز ڕایگه‌یاند: وه‌ها تۆڵه‌یه‌کی سه‌خت بکه‌ینه‌وه‌، تیرۆسیته‌کان قه‌ت له‌ بیری نه‌که‌ن.

به‌ ڕاپۆرتی ئاژانسی مێهر له‌ ماڵپه‌ڕی سوپای پاسدارانی ئێران، ئه‌م ناوه‌نده‌ سه‌ربازییه‌ی ئێران سه‌باره‌ت به‌ هێرشه‌ تیرۆریستییه‌که‌ی سه‌ر شاری ئه‌هواز ڕاگه‌یه‌ندراوێکی بڵاو کرده‌وه‌.

له‌م ڕاگه‌یه‌ندراوه‌دا هاتووه‌: جه‌نایه‌تی به‌کرێگیراوه‌کانی داگیرکاری جیهانی و توندڕه‌وی ناوچه‌که‌ له‌ ئه‌هواز له‌ سه‌ره‌تای حه‌فته‌ی به‌ره‌ڤانی پیرۆز و مانگی موحه‌ڕه‌م نیشانی دا که‌ دوژمنانی ئێران به‌ تایبه‌ت سێ گۆچکه‌ی شه‌یتانی ڕۆژئاوا، عبری و عه‌ره‌بی له‌ دوای شکسته‌کانیان ده‌یانه‌وێت یه‌کگرتوویی و به‌هێز بوونی خه‌ڵکی ئێران بکه‌نه‌ ئامانج. ئه‌وان بۆ نائه‌من کردنی ئێران چاوپۆشی له‌ هیچ شتێک ناکه‌ن، ته‌نانه‌ت ئاماده‌ن ژن و منداڵی بێ تاوانی فارس و عه‌ره‌ب له‌ ناوچه‌که‌ بکه‌نه‌ قوربانی.

ئاماژه‌ش دراوه‌: گومانی تێدا نییه‌ که‌ ئه‌م جه‌نایه‌تانه‌ کێشه‌یه‌ک بۆ ئیراده‌ و خواستی خه‌ڵک و حکه‌مه‌تی ئیسلامی ئێران ساز ناکات و وه‌فادار ده‌بین به‌ ئامانجه‌کانی شه‌هیدانی وڵات، به‌ زوویی به‌ هۆی به‌دوادا چوونی ورد بۆ ئه‌م ڕووداوه‌ تیرۆریستییه‌ بنکه‌ی سه‌ره‌کی ئه‌م جه‌نایه‌ته‌ ده‌دۆزرێته‌وه‌ و له‌ داهاتوودا توڵه‌یه‌کی سه‌خت له‌ تیرۆریسته‌کان ده‌که‌ینه‌وه‌ که‌ قه‌ت له‌ بیری نه‌که‌ن.

له‌ کۆتایدا هاتووه‌: سوپای پاسدارانی ئێران ئه‌وبه‌ڕی گه‌م و په‌ژاره‌ی خۆی له‌م ڕووداوه‌ به‌ خه‌ڵک و بنه‌ماڵه‌ی شه‌هیدان و ڕێبه‌ری باڵای ئێران ڕاده‌گه‌یه‌نێت و دڵنیایی به‌ هه‌مووان ده‌ده‌ین که‌ بۆ دۆزینه‌وه‌ی تیرۆریسته‌کان و سزا دانی سه‌ختیان له‌ ناوچه‌که‌ و زیاتر له‌ ناوچه‌که‌ش هه‌موو هه‌وڵێک ده‌ده‌ین.

News Code 21898

نیشانەکان

بۆچوونی ئێوە

You are replying to: .
  • 8 + 1 =