پێشانگای نێونه‌ته‌وه‌یی کتێب له‌ کوردستان مانگی خه‌زه‌ڵوه‌ر به‌ڕێوه‌ ده‌چێت

به‌ڕێوه‌به‌ری ئیداره‌ی فه‌رهه‌نگ و ئیرشادی کوردستان ڕایگه‌یاند که‌ پێشانگای نێونه‌ته‌وه‌یی کتێب له‌ کوردستان مانگی خه‌زه‌ڵوه‌ر به‌ڕێوه‌ ده‌چێت.

به ڕاپۆرتی ئاژانسی مێهر، جه‌لال قه‌لعه‌شاخانی وتی: ۸مین خولی پێشانگای کتێبی سنه‌ وه‌ک ساڵی ڕابردوو له‌ ئاستی نێونه‌ته‌وه‌یی به‌ڕێوه‌ ده‌چێت، ساڵی پار به‌ به‌شداری هه‌رێمی کوردستان ئه‌نجام بوو.

ئه‌و ئاماژه‌ی دا: به‌ستێنه‌کان بۆ به‌شداری هه‌موو بڵاڤگه‌کانی کوردستان کراوەتەوە. له‌ ئاستی نێونه‌ته‌وه‌ییش هه‌وڵ دراوه‌ که‌ وڵاتانی ئه‌فغانستان، سووریا، لوبنان، میسر و هه‌رێمی کوردستان به‌شداری بکه‌ن.

به‌ڕێوه‌به‌ری ئیداره‌ی فه‌رهه‌نگ و ئیرشادی کوردستان وتی: تاکوو ئێسته‌ ۵۷۲ بڵاوڤگه‌ ئاماده‌یان ده‌ربڕیوه‌ بۆ به‌شداری کردن له‌م پێشانگایه‌. پێشانگاکه‌ له‌ ۱۸ بۆ ۲۳ خه‌زه‌ڵوه‌ر له‌ سنه‌ به‌ڕێوه‌ ده‌چێت، ناشره‌کانی دیکه‌ش تاکوو ۲۳ی خه‌رمانان مۆڵه‌تی ناونووسیان هه‌بوو.

ئه‌و زیادی کرد: ئێمه‌ هه‌موو هه‌وڵی خۆمان ده‌ده‌ین تاکوو پێشانگای کتێبی ئه‌مساڵ به‌ نیسبه‌ت ساڵی ڕابردوو زۆر باشتر و ئاستێکی باڵاتردا به‌ڕێوه‌ بچێت.

News Code 21713

نیشانەکان

بۆچوونی ئێوە

You are replying to: .
  • 4 + 1 =