بردنه‌ ده‌ره‌وه‌ی که‌ل و په‌له‌ ستیراتیژییه‌کان له‌ مه‌ریوان قه‌ده‌غه‌ کرا

فه‌رمانداری مه‌ریوان ڕایگه‌یاند: بردنه‌ ده‌ره‌وه‌ی که‌ل و په‌لی وه‌ک ڕۆن، برنج، قه‌ن، شه‌کر و هتد له‌ مه‌ریوان که‌ په‌یوه‌ندی به‌ ژیانی ڕۆژانه‌ی خه‌ڵکه‌وه‌ هه‌یه‌، قه‌ده‌غه‌ کراوه‌.

به‌ ڕاپۆرتی ئاژانسی مێهر، محه‌مه‌د شه‌فیعی له‌مباره‌وه‌ وتی: له‌مڕۆوه‌ به‌ گومروکات و ڕێکخراوه‌کانی دیکه‌ ڕامان گه‌یاندووه‌ که‌ بردنه‌ ده‌ره‌وه‌ی هه‌رجۆره‌ که‌ل و په‌لێکی ستراتیژی وه‌ک ڕۆن، برنج و شته‌کانی دیکه‌ که‌ په‌یوه‌ندیان به‌ ژیانی ڕۆژانه‌ی خه‌ڵکه‌وه‌ هه‌یه‌، قه‌ده‌غه‌یه‌.

ئه‌و زیادی کرد: ئێمه‌ ڕێز له‌ هاتنی میوانانی عێراقی ده‌گرین، به‌ڵام ژیانی ڕۆژانه‌ی خه‌ڵکی مه‌ریوان بۆ ئێمه‌ یه‌که‌مایه‌تییه‌، له‌مڕۆوه‌ بردنه‌ ده‌ره‌وه‌ی ئه‌م که‌ل و په‌لانه‌ قه‌ده‌غه‌یه‌.

فه‌رمانداری مه‌ریوان وتی: بۆ ئه‌م کاره‌ش گرووپێکی چاودێڕی ساز کراوه‌ و ڕێگه‌ ناده‌ین که‌ خوارده‌مه‌نی ڕۆژانه‌ی خه‌ڵکی مه‌ریوان بۆ عێراق بگوازرێته‌وه‌ و خه‌ڵک بکه‌ونه‌ ته‌نگانه‌.

ئه‌و سه‌باره‌ت به‌ گرانی له‌ مه‌ریوان وتی: به‌رز بوونه‌وه‌ی که‌ل و په‌ل له‌ مریوان په‌یوه‌ندی به‌م بابه‌ته‌وه‌ نییه‌ و بازه‌رگانی هه‌ر ڕۆژ ده‌بێت چاودێڕی بازاڕ بکات که‌ نرخه‌کان به‌رزتر نه‌بێته‌وه‌.

News Code 21643

نیشانەکان

بۆچوونی ئێوە

You are replying to: .
  • 5 + 1 =