کۆنسولخانەی ئەمریکا لە بەسرە هەڕەشەیە بۆ سەر ئاسایشی عێراق

نوێنەری پەرلەمانی عێراق لە پارێزگای بەسرە جەختی کرد کە کۆنسولخانەی ئەمریکا لە بەسرە هەڕەشەیە بۆ سەر ئاسایش و سەروەریی عێراق و جەختی کرد: هەوڵگەلێک بۆ داخستنی ئەو کۆنسولخانەیە لە ئارادایە.

بە ڕاپۆرتی ئاژانسی هەواڵی مێهر بە گێڕانەوە لە "المعلومه"، ئەنتسار مووسەوی نوێنەری پەرلەمانی عێراق لە پارێزگای بەسرە ڕایگەیاند کە مانەوەی کۆنسولخانەی ئەمریکا لە بەسرە مەترسییە بۆ سەر ئاسایش و سەروەریی عێراق.

مووسەوی جەختی کرد کە هەوڵێکی زۆر بۆ داخستنی کۆنسولخانەی ئەمریکا لە بەسرە لە ئارا دایە و وتیشی: ئەوی لە بەسرە ڕوو دەدات لە لایەن کۆنسولی ئەمریکا لە بەسرە و هەندێک دامەزراوەی مەدەنیی دیکە پلانی بۆ دادەڕێژرێت.

ناوبراو جەختی لەوەش کرد کە دەرکردنی هێزە ئەمریکییەکان لە عێراق لە پەرلەمانی چوارەمی ئەو وڵاتە خراوەتە رۆژەڤەوە و هەروەها هەوڵ دەدرێت کە ژماری هێز و پێرسۆنێلی ئەمریکی لە کۆنسولخانە و باڵوێزخانە کەم بکرێتەوە.

لە دوای هێرش بۆ سەر نووسینگە و بارەگاکانی حەشدی شەعبی و کۆنسولخانەی ئێران لە بەسرە، نوێنەران و کەسایەتییە سیاسییەکانی عێراق کۆنسولخانەی ئەمریکا لە پارێزگای بەسرەیان بە بەرپرسی دەنەدانی خەڵکی بۆ ئەنجام دانی ئەو هێرشانە زانی بوو.

News Code 21629

نیشانەکان

بۆچوونی ئێوە

You are replying to: .
  • 2 + 5 =