دەوڵەت ئامادەیە پەرە بە ژێرخانە فەرهەنگییەکانی کوردستان بدات

پارێزگای کوردستان وتی: ده‌وڵه‌ت ئاماده‌یی ئه‌وه‌ی هه‌یه‌ تاکوو بۆ پته‌و کردنی ژێرخانه‌ فه‌رهه‌نگییه‌کانی کوردستان بۆ گه‌یشتن به‌ په‌ره‌سه‌ندنی سه‌قامگیر له‌م بواره‌ سه‌رمایه‌دانه‌ری بکات.

 به ڕاپۆرتی ئاژانسی مێهر، به‌هه‌من مورادنیا له‌ کۆبوونه‌وه‌ی ئه‌ندامانی ئه‌نجومه‌نی باڵای یانەی مۆسیقای ئێران وتی: پارێزگای کوردستان ئاماده‌یی ئه‌وه‌ی هه‌یه‌ تاکوو له‌ بواری فه‌رهه‌نگی و بۆ په‌ره‌دان به‌ کوردستان سه‌رمایه‌دانه‌ری بکات. مایه‌ی شانازییه‌ که‌ کوردستان له‌ هه‌موو بواره‌کان توان و لێهاتووی فه‌رهه‌نگی و هونه‌ری هه‌یه‌ و ده‌بێت ئه‌م لێهاتووییه‌ به‌ باشترین شێواز بناسرێت.

ئه‌و ئاماژه‌ی دا که‌ ئاماده‌یی ئه‌وه‌مان هه‌یه‌ که‌ به‌ هه‌ر شێوازێک بووه‌ په‌ره‌ به‌ که‌رتی فه‌رهه‌نگی بده‌ین و وتی: ئێمه‌ هیچ ئاسته‌نگ و سنوورێکمان بۆ پشتیوانی له‌ چالاکی فه‌رهه‌نگی و هونه‌ری پارێزگای کوردستان نییه‌. 

پارێزگاری کوردستان به‌خێرهاتن و سپاسی ئاماده‌ بوونی ئه‌ندامانی خانه‌ی مۆسیقای ئێران له‌ کوردستانی کرد و ڕایگەیاند: ئاماده‌یی ئه‌وه‌مان هه‌یه‌ که‌ ڕا و بۆچوون و پێشنیاری مامۆستایانی گه‌وره‌ی هونه‌ری ئێران بۆ کوردستان ببیستین به‌ تایبه‌ت له‌ بواری مۆسیقا. ئه‌مڕۆ کوردستان جه‌مسه‌رێکی گرنگی فه‌رهه‌نگی و هونه‌ری له‌ ئێرانه‌ و چاوه‌ڕوانی ئه‌وه‌ش ده‌که‌ین که‌ ئه‌م دروشانه‌وه‌ له‌ ئاستی ئێران و جیهان به‌رده‌وام بێت که‌ ئه‌مه‌ش ئه‌نجامی پێشكه‌وتوو بوونی پارێزگای کوردستان له‌ ئێرانه‌.

ئه‌و سه‌باره‌ت به‌ پێشنیاری مامۆستایه‌کی مۆسیقای ئێران بۆ ڕێکخستنی لقی یانەی مۆسیقای ئێران له‌ سنه‌ وتی: هیچ ئاسته‌نگێک بۆ ئه‌م کاره‌ بوونی نییه‌ و ئێمه‌ش بێ گومان پێشوازی لێده‌که‌ین که‌ یانەی مۆسیقای ئێران لێره‌ بکرێته‌وه‌.

News Code 21536

نیشانەکان

بۆچوونی ئێوە

You are replying to: .
  • 1 + 2 =