لێهاتوویی و به‌هره‌ی هونه‌رمه‌ندانی لاوی کورد سەرەنج ڕاکێشە

ئه‌ندامی ئه‌نجومه‌نی باڵای یانەی مۆسیقای ئێران وتی: لێهاتوویی و به‌هره‌ی هونه‌رمه‌ندانی لاوی کورد جێگه‌ی سه‌رسووڕمانه‌ و گومانی تێدا نییه‌ که‌ ئه‌م لێهاتووییه‌ ده‌بێت بناسرێت و په‌روه‌رده‌ بکرێت.

فه‌رهاد فه‌خره‌دینی، موزسیانی ناوداری ئێرانی له‌ میانه‌ی سه‌ردان له‌ پارێزگای کوردستان به‌ ئاژانسی مێهر وتی: کوردستان سه‌رچاوه‌ی لێهاتوویی هونه‌رێکی بێ وێنه‌یه‌ و من به‌ڕاستی له‌ دیتنی ئه‌م هه‌موو به‌هره‌ هونه‌رییه‌ له‌ نێو لاوانی کورد سه‌رم سووڕماوه‌. ده‌بێت باشترین هونه‌رستان و زانکۆی مۆسیقا له‌ کوردستان بینا بکرێت تاکوو ئه‌م لاوانه‌ له‌ ده‌وری خۆی به‌ شێوازێکی ئاکادمیک کۆ بکاته‌وه‌. له‌ هیچ کوێی ئیران چالاکی هونه‌ری له‌م ئاسته‌ به‌ دی ناکرێت.

ئه‌و زیادی کرد: ڕۆژی یه‌که‌می سه‌ردان له‌ کوردستان ئێمه‌یان بۆ عیماره‌تی مێژوویی برد که‌ به‌ کاره‌کانی مامۆستا زیائه‌دینی ڕازا وەتەوە, به‌ڕاستی جوان بوو، وه‌ک ئه‌وه‌ وابوو بچیته‌ سه‌ن پترزبورگ یان ڕۆما یان فلۆرانس که‌ پایته‌ختی په‌یکه‌ره‌سازین و ئه‌مه‌ش لێهاتوویی ئه‌م مامۆستا باشه‌ نیشان ده‌دات له‌ وڵاته‌که‌مان که‌ جێگه‌ی شانازین.

فه‌خره‌دینی سه‌باره‌ت به‌ به‌شداری منداڵان له‌ ژه‌نینی ئامێری مۆسیقای وه‌ک ترۆمپێت له‌ ئۆرکێستر فیلارمونیکی کوردستان وتی: ئه‌مانه‌ داهاتووی مۆسیقای ئێرانن که‌ هیوادارم بتوانن به‌ شێوازێکی ئاکادمیک درێژه‌ به‌م ڕێگایه‌ بده‌ن. 

جارێکی دیکه‌ ئاماژه‌ی به‌ خزمه‌تی زۆری مامۆستا حه‌سه‌ن کامکار به‌ مۆسیقای کوردستان و ئێران کرد و وتی: ده‌بێت په‌یکەره‌ی مامۆستا حه‌سه‌ن کامکار له‌ سنه‌ دروست بکرێت و جێگیر بکرێت، په‌روه‌رده‌ کردنی وه‌ها بنه‌ماڵه‌یه‌کی مۆسقیایی هیچی که‌متر نییه‌ له‌ کارێکی زانکۆی باش و گه‌وره‌، گومانی تێدا نییه‌ که‌ زۆربه‌ی هونه‌رمه‌ندانی ئێسته‌ی ئێران شانازی خوێنن لای ئه‌م مامۆستا گه‌وره‌یان بووه‌، ئه‌مه‌ش وامان لێ ده‌کات له‌ به‌رپرسانی پارێزگاکه‌ داوا بکه‌ین تاکوو یه‌کێک له‌ مه‌یدانه‌کانی شار په‌یکره‌ی مامۆستا کامکاری تێدا جێگیر بکرێت.

موزسیانی ناوداری ئێرانی که‌ مۆسیقای زۆربه‌ی فیلم و دراما ئێرانییه‌کانی داڕشتووه‌، ئاماژه‌ی دا: من کاتێک له‌ ئۆرکێسترایه‌ک ئه‌رسه‌لان کامکار له‌ ته‌نیشتم دایه‌، ئیدی خه‌یاڵم ڕاحه‌ته‌ و ئه‌مه‌ش له‌ سه‌ر زحمه‌تی باوکی ئه‌وانه‌ و ده‌بێت ڕێزی تایبه‌ت له‌م مامۆستایه‌ بگیردرێت. کوردستان پڕه‌ له‌ ملۆدی مۆسیقا و شادی و سه‌ربه‌رزی، ئه‌مه‌ نه‌ته‌وه‌یه‌کی زیندووه‌ که‌ وه‌ها شادی و خۆشحاڵی له‌ هه‌ناویدا پۆنگ ده‌خواته‌وه‌.

ئه‌و ئاماژه‌ی دا که‌ له‌ زۆربه‌ی هونه‌ره‌ستانه‌کان و زانکۆکان تاقی کردنه‌وه‌ بۆ وه‌رگرتن ده‌گیردرێت و وتی: ئه‌وه‌ی من ئه‌مڕۆ دیم دڵنیام که‌ ۹۰ له‌ سه‌دی ئه‌م منداڵ و میرمنداڵه‌ لاوه‌ سنه‌یانه‌ ده‌توانن به‌ باشترین پله‌ له‌ زانکۆ هونه‌رییه‌کانی ئێران وه‌ربگیردرێن و کوردستان وه‌ک جه‌مسه‌رێکی مۆسیقای ئێران بناسێنن. چواوه‌ڕوانیش ئه‌وه‌یه‌ که‌ هه‌موو به‌رپرسانی پارێزگاکه‌ له‌ هونه‌رمه‌ندانی ئه‌م ناوچه‌یه‌ باشترین پشتیوانی بکه‌ن.

ئه‌ندامی ئه‌نجومه‌نی باڵای ماڵی مۆسیقای له‌ میوانداری حه‌وزه‌ی هونه‌ری ڕێزی گرت و وتی: جێگه‌ی خۆشحاڵییه‌ که‌ سه‌ردانی کوردستانمان کرد و مێواندارییه‌کان به‌ باشترین شێواز ئه‌نجام بووه‌ و دڵخۆشم به‌وه‌ی هێشتا هه‌ن که‌سانێک که‌ وه‌ها ڕێز له‌ هونه‌ر و فه‌رهه‌نگ ده‌گرن.

News Code 21534

نیشانەکان

بۆچوونی ئێوە

You are replying to: .
  • 4 + 3 =