گرینگترین پێویستی ئەمڕۆی جیهانی ئیسلام یەکگرتوویی وڵاتانی ئیسلامیە

ڕێبەریی باڵای شۆڕشی ئیسلامی ئێران جەختیان کرد: یەکگرتوویی و هاوکاری وڵاتانی ئیسلامی بەستێن خۆشکەرە بۆ چارەسەریی کێشەکانی ناوچەکە و هەر بۆیە ئیستکبار و لە سەرووی ئەوانەوە ئەمریکانیگەرانن لە نزیکی وڵاتانی ئیسلامی.

بە راپۆرتی ئاژانسی هەواڵی مێهر، ڕەجەب تەیب ئەردۆغان، سەرۆک کۆماری تورکیا دوای کۆبوونەوەی ئەمڕۆی تاران چاوی بە ئایەتوڵڵا خامنەیی کەوت.

ئایەتوڵڵا خامنەیی جەختیان کرد:  یەکگرتوویی و هاوکاری ئیسلامی ڕێگاچارەی کێشەکانی ناوچەکە دەبێت.

ئایەتوڵڵا خامنەیی لە دیداری ڕەجەب تەیب ئەردۆغان و وەفدی هاوڕێی رایانگەیاند: ئیستکباری جیهانی و لە سەروویانەوە ئەمریکا نیگەرانن لە پێکهاتنی هێزێکی ئیسلامی.

 ئەوان هۆکاری دوژمنی و ڕق و قینی ئەمریکا لەگەڵ وڵاتانی ئیسلامی خاوەن هێزیان بە نیگەرانی ناوبرد و زیادیان کرد: ئێران و تورکیا دوو وڵاتی ئابڕوودارن و هێزی ناوچەکەن و ئەنگێزەیەکی هاوبەش  بۆ جیهانی ئیسلامن، کەواتە دەبێ هاوکارییەکانی دوو وڵات لە بواری سیاسی و ئابووری زیاتر لە ڕابردوو  پەرەبسێنێت.

 جەختیشیان کرد: پێویستە خالە هاوبەشەکانی نێوان ئێران و تورکیا زیاتر پتەو بکرێتەوە.

ئاماژەشیان بە پرسی فەلەستین کرد و وتیان دەبێ پرسی فەلەستین بەردەوام بە هەند وەربگیردرێت و چرکەیەک نابێ لێ خافڵ بین.

 لای خۆیشیەوە ئەردۆغان، پرژو بڵاوی و نەبوونی یەکڕیزی نێوان وڵاتانی ئیسلامی بە هۆکاری سەرهەڵدان و هاتنە دی دۆخی ئێستا ناوبرد و وتی: بە هۆی هەڵسوکەوتی ڕۆژاوا لە بەرانبەر وڵاتانی سەربەخۆی ئیسلامی، دۆخەکە زۆر هەستیارە و هەر ئەمەش وا دەکات برایەتی نێوان ئێران و تورکیا زیاتر بێتەوە.

News Code 21509

نیشانەکان

بۆچوونی ئێوە

You are replying to: .
  • 9 + 3 =