هونەر زەروورەتی ئەمڕۆی کۆمەڵگای ئێمەیە

ڕاوێژکاری کاروباری فەرهەنگیی جێگری سەرۆک کۆمار، هونەری بە یەکێک لە زەروورەتەکانی ئەمڕۆی کۆمەڵگا زانی و وتی: شانۆ دەبێ شوێنی ڕەنگدانەوەی دەرد و کێشەکانی خەڵکی بێت.

بە ڕاپۆرتی ئاژانسی هەواڵی مێهر، سەید حوجەت مەهدەوی سەعیدی ئەمڕۆ شەممە ١٠ی خەرمانان لە کرانەوەی سێزدەهەمین فێستیڤاڵی نێونەتەوەیی شانۆی سەرشەقامی مەریوان کە لە پارکی شانۆی ئەو شارە بەڕێوە چوو، وتی: بێ شک شەهیدان و خزمەتکارانێک کە لەو رۆژانەدا شەهید بوون، خوازیاری خەم و کەسەری خەڵکی نین و لە شادی ئەوان خۆشحاڵ و شاد دەبن.

ناوبراو هونەری بە یەکێک لە پێدوایستییەکانی کۆمەڵگا زانی و ڕایگەیاند: بۆ چارەسەریی کێشەکان و لە ناوبردنی گرفتەکانی بەردەم خەڵکی هەموو پێویستمان بە بەڕێوەچوونی پرعگرامە هونەرییەکانە.

ڕاوێژکاری کاروباری فەرهەنگیی جێگری سەرۆک کۆماری بە ئاماژە بەوەی کە شانۆ دەبێ ڕەنگدانەوەی دەردەکان، خەمەکان و کێشەکانی خەڵکی بێت، ڕاشیگەیاند: یەکێک لە کاربەدەستانی شانۆ ڕایگەیاندووە کە بەو هۆیەی بەها و بوودجە بەم هونەرە تەرخان نادرێت، هونەری شانۆ ڕووی لە دابەزین و ناپێشکەوتوویی ناوە.

مەهدەوی سەعیدی ئاماژەی بەوەش دا: لە پەنای بەرپرسانی پارێزگاریی و شاری ئەرکی خۆمان لە پێناو تەرخان دانی بوودجە و گۆژمەی پێویست ڕادەپەرێنین.

ناوبراو جەختی لەوەش کرد: خەڵکی پاریزگای کوردستان و بە تایبەت خەڵکی مەریوان کە خوێنێکی زۆریان لە پێناو پاسەوانی و پاراستنی خاکی نیشتمانمان بەخشیوە، بۆ پاسەوانی لە فەرهەنگ و دابونەریتی ئێران شان بە شانی خەڵکی جێ جێی وڵات و دەرەوەی وڵات هەوڵ دەدەن.

News Code 21365

نیشانەکان

بۆچوونی ئێوە

You are replying to: .
  • 1 + 2 =