عه‌ربستان دیسان بۆ دژایه‌تی ئێران پێشنیارێکی به‌ سووریا داوه‌

مێدیاکانی عه‌ره‌بستان ڕایانگه‌یاندووه‌ که‌ عه‌ره‌بستان دیسان پێشنیاری به‌ ده‌میشق کردووه‌ که‌ له‌ به‌رانبه‌ر دابڕێن له‌ ئێران، ڕیاز ئاماده‌یه‌ ئه‌م وڵاته‌ ئاوه‌دان بکاته‌وه‌.

به ڕاپۆرتی ئاژانسی مێهر له‌ ئه‌لنه‌شره‌، ڕۆژنامه‌ی ئه‌خبار ڕاپۆرتی دا که‌ خالید حه‌میدان، سه‌رۆکی هه‌واڵگری سعوودییه‌ له‌ میانه‌ی په‌یوه‌ندی ته‌له‌فوونی له‌گه‌ڵ عه‌لی مه‌ملووک، سه‌رۆکی نووسینگه‌ی ئه‌منیه‌تی نیشتمانی سووریا بۆ دژایه‌تی ئێران پێشنیاری ئاوه‌دان کردنه‌وه‌ی سووریای به‌ به‌رپرسانی ئه‌م وڵاته‌ داوه‌.

به‌ پێی ئه‌م ڕاپۆرته‌، لایه‌نی سووریا وه‌ک ڕابردوو ئه‌م پێشنیاره‌ی ڕه‌ت کردووه‌ته‌وه‌ و جه‌ختی کردووه‌ که‌ سووریا به‌شێکه‌ له‌ میحوه‌ری خۆڕاگری و پێبه‌نده‌ به‌ به‌ڵێنه‌کانی.

له‌م په‌یوه‌ندییه‌ ته‌له‌فوونییه‌، لایه‌نی سعوودی باسی دیداری ڕاسته‌وخۆی نێوان هه‌ر دوو وڵات کردووه‌ و لایه‌نی سووری وڵامی داوه‌ته‌وه‌: ئێمه‌ له‌ شامین و هه‌ر که‌س بیه‌وێت ده‌توانێت له‌گه‌ڵ ئێمه‌ دیدار بکات.

شایانی باسه‌ که‌ ئه‌مه‌ ۳مین جاره‌ عه‌ره‌بستان پێشنیاری ئاوه‌دان کردنه‌وه‌ی سووریا به‌ به‌رپرسانی ئه‌م وڵاته‌ ده‌دات.

News Code 21288

نیشانەکان

بۆچوونی ئێوە

You are replying to: .
  • 2 + 1 =