۱۷۶ فه‌له‌ستینی کوژراون و ۱۸ هه‌زار که‌سی دیکه‌ش بریندار بوون

ئاماره‌کان نیشانی ده‌دات که‌ ۱۷۶ فه‌له‌ستینی کوژراون و زیاتر ۱۸ هه‌زار که‌سی دیکه‌ش له‌ ڕێپێوانی مافی گه‌ڕانه‌وه‌ له‌ به‌شی غه‌زه‌ بریندار بوون.

به ڕاپۆرتی ئاژانسی مێهر له‌ ماڵپه‌ڕی فه‌له‌ستین، وه‌زاره‌تی ته‌ندروستی فه‌له‌ستین ڕایگه‌یاند که‌ تاکوو ئێسته سه‌رجه‌م ۱۶۸ ته‌رمی خۆپیشاندانی مافی گه‌ڕانه‌وه‌ به‌ نه‌خۆشخانه‌کانی غه‌زه‌ گه‌یشتووه‌ که‌ به‌ ده‌ستی هێزه‌کانی ئیسڕائیل کوژراون.

هه‌روه‌ها ۸ ته‌رمی دیکه‌ش له‌ ژێر ده‌ستی ئیسڕائیلییه‌کانه‌ که‌ به‌مانه‌وه‌ ژماره‌ی کوژراوه‌کان ده‌گاته‌ ۱۷۶ فه‌له‌ستینی.

به‌ پێی ئه‌م ڕاپۆرته‌، ۲۷ که‌سیان منداڵن، ۳ که‌سیان ژنن و هه‌روه‌ها زیاتر له‌ ۱۸ هه‌زار فه‌له‌ستینی دیکه‌ بریندار بووه‌ که‌ ۳۵۴۰ که‌سیان منداڵن و ۱۷۲۸ که‌سیان ژنن، ئه‌ویش له‌ کاتی ده‌ستی پێ کردنی خۆپیشاندانه‌کان تاکوو ئێسته‌.

۴۵۰۸ که‌سیان به‌ ته‌قه‌ی فیشه‌ک، ۵۲۹ که‌س به‌ فیشه‌کی ساخته‌ و ۷۵۹۰ که‌سیش به‌ هۆی گازی فرمێسک ڕێژ و ۵۳۷۹ فه‌له‌ستینیش به‌ هۆی ته‌رکشی ته‌قه‌مه‌نییه‌وه‌ بریندار بوون.

هه‌روه‌ها ئاماژه‌ کراوه‌ که‌ سه‌ربازیه‌ زایۆنییه‌کان زیاتر له‌ ئه‌ندامانی ژوورووی فه‌له‌ستینییه‌کان ته‌قه‌ ده‌که‌ن، به‌م پێیه‌ ۶۷۷ که‌س له‌ ده‌م و چاو، ۳۹۱ که‌س له‌ سینه‌ و پشت، ۴۲۶ که‌س له‌ زک و ۱۳۷۰ که‌سی دیکه‌ش ده‌ست و په‌نجه‌یان ته‌قه‌ی لێکراوه‌.

News Code 20995

نیشانەکان

بۆچوونی ئێوە

You are replying to: .
  • 1 + 1 =