به‌رپرسانی کوردستان زیاتر یارمه‌تی به‌شی کوردی ئاژانسی هه‌واڵی مێهر بده‌ن

سەرۆکی ڕێکخراوی بەرنامە و بودجەی کوردستان وتی: بۆ به‌رده‌وامیی کار و چالاکی بەشی کوردی ئاژانسی مێهر لە هیچ یارمەتییەک درێخ ناکەین.

بە ڕاپۆرتی ئاژانسی مێهر، سەرۆکی ڕێکخراوی بەرنامە و بودجەی کوردستان بە هاوڕێی قوباد ئارەش، بەرپرسی پەیوەندە گشتییەکانی ئەم ڕێکخراوەیە بە هۆی ڕۆژی هەواڵنێره‌وه‌ سەردانی نووسینگەی ئاژانسی مێهریان کرد.

بەهرام نەسرۆڵایی زادە لەم دیدارە ڕایگه‌یاند: لام وایە کە گه‌شه‌ کردن تەنیا له‌ ڕێگەی جاک کردن و قیرتاوی ڕێگا و بان و دروست کردنی بینا و پرد نییە بەڵکوو ژێرخانی گه‌شه‌ کردن، گەشەی فەرهەنگی و هونەرییە.

ئەو زیادی کرد: پلانی پەرەسەندنی کوردستان نابێت تەنیا لە ئیدارە دەوڵەتییەکان لە لایەن فەرمانبەرانەوە دابڕێژرێت، بەڵکوو خەڵکیش دەبێت بەشداری چالاکانە بکەن.

سەرۆکی ڕێکخراوی بەرنامە و بودجەی کوردستان وتی: بەرنامەی ئێمە لە ساڵی داهاتوو کۆبوونەوەی مێدیا و گەشەیە تاکوو بەم کارە زیاتر هەوڵ بدەین پەرەسەندن لە ڕەهەندی مێدیاکان لێک بدەینەوە.

نەسرۆڵاهی زادە سەبارەت بە بەشی کوردی ئاژانسی مێهر ڕایگه‌یاند:  بۆ به‌رده‌وامیی کار و چالاکی بەشی کوردی ئاژانسی مێهر لە هیچ یارمەتییەک درێخ ناکەین.

هه‌روه‌ها له‌م دیداره‌دا، ئارمان نه‌سروڵاهی، به‌ڕێوبه‌ری نووسینگه‌ی ئاژانسی مێهر له‌ پارێزگای کوردستان زیادی کرد: بۆ یه‌که‌مین جار له‌ ئێراندا ئاژانسێکی نێونه‌ته‌وه‌یی، زمانی کوردی به‌ فه‌رمی ده‌ست پێ کرد و ته‌نانه‌ت له‌ سه‌رووی په‌یجی فه‌رمی مێهر زمانی کوردی له‌ ڕیزی چواره‌می زمانه فه‌رمییه‌کانی ئه‌م ئاژانسه‌ نێوده‌وڵه‌تیدایه‌.

وتیشی: به‌ڕێوه‌ بردنی به‌شی کوردی ئاژانسی مێهر به‌ خودی هه‌واڵنێره‌کانی پارێزگای کوردستان سپێردراوه‌ و ئه‌مه‌ش جێگه‌ی خۆشحاڵییه‌کی زۆره‌ که‌ ئێستا ڕۆژنامه‌وانی له‌ کوردستان به‌ ئاستێکی سه‌رتانسه‌ری و ته‌نانه‌ت نێونه‌ته‌وه‌یی گه‌یشتووه‌.

نه‌سروڵاهی له‌ کۆتاییدا ئه‌وه‌شی وت که‌ زمانی کوردی ئاژانسی مێهر ته‌نیا هه‌واڵه‌کانی پارێزگای کوردستان ناگرێته‌وه‌، به‌ڵکوو وه‌ک ئاژانسێکی نێونه‌ته‌وه‌یی، هه‌موو ئه‌و هه‌واڵانه‌ی په‌یوه‌ندییان به‌ ناوچه‌ کوردنشینییه‌کانی جیهانه‌وه‌ بێت، بڵاو ده‌کاتەوە.

News Code 20904

نیشانەکان

بۆچوونی ئێوە

You are replying to: .
  • 5 + 13 =