زیاتر له‌ ۱۰۰ مووشه‌ک له‌ غه‌زه‌وه‌ له‌ شاۆرچه‌که‌ ئیسڕائیلییه‌کان گیرا

قۆڵی چه‌کداری حه‌ماسی فه‌له‌ستین بۆ ماوه‌ی چه‌ندین کاتژمێر بنکه‌ و باره‌گای زایۆنییه‌کانی له‌ وڵام به‌ داگیرکاری ئه‌م دواییه‌ی ئیسڕائیل له‌ غه‌زه‌وه‌ مووشه‌ک باران کرد.

به ڕاپۆرتی ئاژانسی مێهر له‌ مه‌یادین، یه‌کینه‌کانی عزه‌دین قه‌سام، قۆڵی چه‌کداری حه‌ماسی فه‌له‌ستین بۆ ماوه‌ی چه‌ندین کاتژمێر بنکه‌ و باره‌گای زایۆنییه‌کانی له‌ وڵام به‌ داگیرکاری ئه‌م دواییه‌ی ئیسڕائیل له‌ غه‌زه‌وه‌ مووشه‌ک باران کرد.

به‌ پێی ئه‌م ڕاپۆرته‌، باڵی چه‌کداری حه‌ماس ڕایگه‌یاند که‌ مووشه‌که‌کانی به‌رخودان له‌ بنکه‌ی ڕه‌عیم له‌ ناوه‌ندی فه‌رمانده‌یی غه‌زه‌وه‌ ناوچه‌کانی یه‌فتاح، زه‌یکیم، ئیریز و شارۆچکه‌ زایۆنییه‌کانی کردووه‌ته‌ ئامانج.

له‌ درێژه‌دا ئاماژه‌ کراوه‌: کاتی تۆڵه‌ کردنه‌وه‌ی داگیرکاری و سته‌مکاری ڕژیمی زایۆنی گه‌یشتووه‌ و ئێمه‌ هه‌رگیز ڕێگه‌ ناده‌ین خوێنی شه‌هیدان به‌فیڕۆ بڕوات. سه‌ره‌ڕای هه‌موو گوشاره‌کان ئێمه‌ ڕێگه‌ ناده‌ین چۆنیه‌تی و باڵانسی هێز و شه‌ڕ له‌ ناوچه‌که‌ بگۆڕدرێت، ئه‌مه‌ش وڵامێک بوو بۆ داگیرکاری ئه‌م دواییه‌ی ئیسڕائیلییه‌کان.

مێدیاکانی ئیسڕائیل ئاماژه‌یان داوه‌ که‌ مووشه‌کی فه‌له‌ستینییه‌کان کارگه‌یه‌کی له‌ ناوچه‌ی پیشه‌یی شاعر هنیگۆ و چه‌ندین ناوه‌ندی له‌ شارۆچه‌که‌ی ئه‌شکۆل کردووته‌ ئامانج.

یه‌دیعوت ئاحارانۆت تیتری لێدا که‌ دوێنێ شه‌و خه‌ڵک زۆربه‌یان له‌ سنووری غه‌زه‌ چوونه‌ته‌ ناو په‌ناگاکان و ئاژیری مه‌ترسی له‌ هه‌موو ناوچه‌که‌ به‌رز بووه‌ته‌وه‌.

ئیسڕائیلیش له‌ وڵامی ئه‌م مووشه‌کانه‌ هێرشی ئاسمانی کردووه‌ته‌ سه‌ر فه‌له‌ستین و به‌م هۆیه‌وه‌ ۳ فه‌له‌ستینی کوژراون، لاوێک له‌ به‌یت لاهیا له‌ باکووری غه‌زه‌ و ژنێک و کچێکی منداڵیش له‌ هێرشی ئاسمانی بۆ سه‌ر ناوچه‌ی جه‌عفه‌راوی له‌ ناوه‌ندی غه‌زه‌ گیانی خۆیان له‌ ده‌ست داوه‌.

له‌ هێرشه‌ ئاسمانیانه‌ لانی که‌م ۱۲ فه‌له‌ستینیش بریندار بوون.

News Code 20880

نیشانەکان

بۆچوونی ئێوە

You are replying to: .
  • 1 + 1 =