ئێران له‌ ئینترنته‌وه‌ تۆڵه‌ی خۆی له‌ ئه‌مریکا ده‌کاته‌وه‌!

شاره‌زایانی ڕۆژئاوایی چالاکی زانستی ئێران له‌ بواری ئینترنتی جیهانیان برده‌ ژێر پرسیار و تارانیان تۆمه‌تبار کرد که‌ چالاکی نه‌رێنی له‌م که‌رته‌دا هه‌یه‌.

به ڕاپۆرتی ئاژانسی مێهر، ته‌نیا ۲ ڕۆژ دوای جێبه‌جێ بوونی گه‌ماڕۆکانی ئه‌مریکا له‌ دژی ئێران، ئاسۆشیه‌تێد پرێس پاگه‌نده‌ی کرد که‌ ئێران له‌ که‌رتی ئینترنت تۆڵه‌ی خۆی له‌ ئه‌مریکا ده‌سێنێته‌وه‌.

ئه‌مه‌ یه‌که‌م جار نییه‌ که‌ شاره‌زایانی ڕۆژئاوایی وه‌ها پاگه‌نده‌یه‌ک ده‌که‌ن، له‌ ۹ی گه‌لاوێژ مێدیای سترافۆریش پاگه‌نده‌ی کرد:  ئه‌گه‌رچی ئێران توانی سه‌ربازی هه‌یه‌، به‌ڵام تاران له‌ ئینترنتدا ڕووبه‌ڕووی ئه‌مریکا ده‌بێته‌وه‌.

له‌م ڕاپۆرته‌ ئاماژه‌ کراوه‌: ئێران له‌ هێرشی سایبری وه‌ک به‌شێک له‌ شه‌ڕی ناهاوڕێژ سوود ده‌بات، ئه‌گه‌رچی ئێران وه‌ک چین و ڕووسیا کێشه‌یه‌کی گه‌وره‌ نییه‌ به‌ڵام سوور بوون و که‌ڵک بردن له‌ چه‌ند تاکتیکی کۆن و باو ده‌توانێت کێشه‌ی ئینترنتی و سایبری مه‌ترسیدار ساز بکات.

ئاسۆشیه‌تێد پرێس ئاماژه‌ی داوه‌ که‌ ئێسته‌ دوای جێبه‌جێ بوونی فه‌رمی گه‌ماڕۆکانی ئه‌مریکا، ئەگه‌ری هێرشی سیابری ئێران زیاتر بووه‌.

ته‌نانه‌ت پاگه‌نده‌ کراوه‌ تاکوو ئه‌و کاته‌ی ئێران دڵخۆشه‌ به‌ هاوکاری ئه‌ورووپاییه‌کان هێرشی که‌متر ئه‌نجام ده‌دات. 

شایانی باسه‌ که‌ ئێران، کۆریای باکوور، چین و ڕووسیا یه‌که‌مایه‌تی مه‌ترسی سایبه‌ری ئه‌مریکان. به‌ڵام گه‌وره‌ کردنه‌وه‌ی توانی سایبری ئێران له‌ درێژه‌ی گوشاری زیاتری جیهانی بۆ سه‌ر تارانه‌ تاکوو نه‌توانێت له‌ ته‌کنۆلۆژیای سه‌رده‌م به‌ باشی سوود ببات.

ئه‌مه‌ش له‌ درێژه‌ی هه‌مان سیاسه‌تی سنووردار کردنی ئێران له‌ زانستی ناڤۆکی و مووشه‌کییه‌ و ئێسته‌ش له‌ دوای گه‌ماڕۆی ئێران له‌ که‌رتی ئینترنت و سایبری دان.

News Code 20861

نیشانەکان

بۆچوونی ئێوە

You are replying to: .
  • 4 + 6 =