شاره‌وانی سنه‌ سه‌ردانی نووسینگه‌ی ئاژانسی مێهری کرد

شاره‌وانی سنه‌ به‌ هاوڕێی به‌رپرس و کارناسی په‌یوه‌ندییه‌ گشتییه‌کانی شاره‌وانیی سنه‌، ئه‌مڕۆ چوارشه‌مه‌ سه‌ردانی نووسینگه‌ی ئاژانسی مێهری کرد.

به‌ ڕاپۆرتی ئاژانسی مێهر، حشمه‌تۆڵا سه‌یدی، ئه‌مڕۆ چوارشه‌مه‌ له‌ ڕۆژی هه‌واڵنێر سه‌ردانی  نووسینگه‌ی ئاژانسی مێهری کرد و وتی: له‌مڕۆدا پێگه‌ی مێدیاکان و هه‌واڵنێره‌کان له‌ بڵاو کردنه‌وه‌ی ڕاستییه‌کانی کۆمه‌ڵگا بۆ هه‌مووی ئاشکرایه‌.

ئه‌و زیادی کرد: هه‌واڵنێره‌کان په‌یوه‌ندی نێوان خه‌ڵک و به‌رپرسان ساز ده‌که‌ن. ئه‌گه‌ر به‌پرسان تووشی هه‌ڵه‌ بن بێ گومان ڕه‌خنه‌ی هه‌واڵنێره‌کان ده‌توانێت کاریگه‌ری بێت و له‌ چاکسازی پڕۆسه‌کان ڕۆڵی به‌رچاوی بێت.

سه‌یدی وتی: داهاتی شاره‌وانی هین خه‌ڵکی شاره‌که‌یه‌ و ده‌بێت بۆ ئاوه‌دانی و خزمه‌ت به‌ شاره‌که‌ سه‌رف بکرێت، ئێمه‌ ئه‌مساڵ له‌ سێ مانگی یه‌که‌می ساڵی ۹۷ی هه‌تاوی ۴ ملیار تمه‌ن به‌ نیسبه‌ت ساڵی ڕابردوو داهاتمان زیاتر بووه‌. 

هه‌روه‌ها له‌م دیداره‌دا، ئارمان نه‌سروڵاهی، به‌ڕێوبه‌ری نووسینگه‌ی ئاژانسی مێهر له‌ پارێزگای کوردستان وتی: بۆ یه‌که‌مین جار له‌ ئێراندا ئاژانسێکی نێونه‌ته‌وه‌یی، زمانی کوردی به‌ فه‌رمی ده‌ست پێ کرد و ته‌نانه‌ت له‌ سه‌رووی په‌یجی فه‌رمی مێهر زمانی کوردی له‌ ڕیزی چواره‌می زمانه فه‌رمییه‌کانی ئه‌م ئاژانسه‌ نێونه‌ته‌وه‌ییه‌دایه‌.

زیادیی کرد: به‌ڕێوه‌ بردنی به‌شی کوردی ئاژانسی مێهر به‌ خودی هه‌واڵنێره‌کانی پارێزگای کوردستان سپێردراوه‌ و ئه‌مه‌ش جێگه‌ی خۆشحاڵییه‌کی زۆره‌ که‌ ئێستا ڕۆژنامه‌وانی له‌ کوردستان به‌ ئاستێکی سه‌رتانسه‌ری و ته‌نانه‌ت نێونه‌ته‌وه‌یی گه‌یشتووه‌.

نه‌سروڵاهی له‌ کۆتاییدا وتی: زمانی کوردی ئاژانسی مێهر ته‌نیا هه‌واڵه‌کانی پارێزگای کوردستان ناگرێته‌وه‌، به‌ڵکوو وه‌ک ئاژانسێکی نێونه‌ته‌وه‌یی، هه‌موو ئه‌و هه‌واڵانه‌ی په‌یوه‌ندییان به‌ ناوچه‌ کوردنشینییه‌کانی جیهانه‌وه‌ بێت، بڵاو ده‌کاتەوە.

News Code 20859

نیشانەکان

بۆچوونی ئێوە

You are replying to: .
  • 6 + 11 =