محەمەد سابیر ئیسماعیل، کاندیدی یەکێتی بۆ پۆستی سەرۆک کۆماری عێراقە

ئەندامێکی یەکێتی نیشتمانی ڕایگەیاند کە ئەنجومەنی ناوەندی یەکێتی نیشتمانی کوردستان محەمەد سابیر ئیسماعیلی بۆ وەرگرتنی پۆستی سەرۆک کۆماری عێراق هەڵبژاردووە.

بە ڕاپۆرتی ئاژانسی مێهر لە ئەلعەرەبییە، یەکێتی نیشتمانی کوردستان ڕایگەیاند کە محەمەد سابیر ئیسماعیلی بۆ پۆستی سەرۆک کۆماری داهاتووی عێراق هەڵبژاردووە.

عیزەت سابیر، ئەندامی پارلمانی هەرێمی کوردستان لە یەکێتی نیشتمانی ڕایگەیاند کە ئەنجومەنی ناوەندی یەکێتی نیشتمانی کوردستان محەمەد سابیر ئیسماعیلی بۆ وەرگرتنی پۆستی سەرۆک کۆماری عێراق هەڵبژاردووە.

ئەو جەختی کرد: سەرکردایەتی یەکێتی نیشتمانی لەگەڵ هەڵبژاردنی محەمەد سابیرە. محەمەد سابیر ئیسماعیل مێردی خوشکی هێرۆ خانە و هاوەڵ زاوای مام جەلالە.

هەر لەمبارەوە حاکم قادر، ئەندامی مەکتەبی سیاسی یەکێتی وتی: ئەنجومەنی ناوەندی محەمەد سابیر ئیسماعیلی هەڵبژاردووە و بە زوویی ئەم هەواڵە لە هەموو مێدیاکانی یەکێتی نیشتمانییەوە بڵاو دەبێتەوە.

لە پشکە سیاسییەکانی عێراق، کورسی سەرۆک کۆماری عێراق پشکی یەکێتی نیشتمانی کوردستانە. دوای ڕووخانی سەدام غازی عەجیل یاوەر و مام جەلال وەک یەکەم کورد بە سەرۆک کۆماری عێراق هەڵبژێردران. ئێستە دوکتور فواد مەعسوومی ٨۰ ساڵان سەرۆک کۆمارە.

News Code 20776

نیشانەکان

بۆچوونی ئێوە

You are replying to: .
  • 5 + 13 =