ڕەخنەی لێبوردنی نێونەتەوەیی لە تورکیا سەبارەت بە عەفرین

سەبارەت بە پێشێل کردنی مافی مرۆڤ لە عەفرین، ڕێکخراوی لێبوردنی نێونەەوەیی ڕەخنەی توندی لە تورکیا و هێزەکانی سەر بەم وڵاتە گرت.

بە ڕاپۆرتی ئاژانسی مێهر لە ڕۆیترز،‌ سەبارەت بە پێشێل کردنی مافی مرۆڤ لە عەفرین، ڕێکخراوی لێبوردنی نێونەەوەیی ڕەخنەی توندی لە تورکیا و هێزەکانی سەر بەم وڵاتە گرت.

ئەم ڕێکخراوەیە داوای کرد تورکیا هەرچی زووترە پێشێلکارییه‌کانی له‌ عه‌فرین ڕابگرێت و کۆتایی به‌ تاڵان و داگیر کردنی موڵک و ماڵی دانیشتوانی ئه‌و شاره‌ بهێنێت.

لە ڕاگەیەندراوەکەی ڕێکخراوی لێبوردنی نێونەتەوەیی هاتووە: دانیشتوووانی عه‌فرین ڕووبه‌ڕووی چه‌ندین پێشێلکاریی جۆراوجۆری مافی مرۆڤ بوونه‌ته‌وه‌ که‌ له‌سه‌ر ده‌ستی گرووپه‌ چه‌کداره‌ سوورییه‌کانی سه‌ر به‌ تورکیا ئه‌نجام ده‌درێت.

لە درێژەدا هاتووە: هێزه‌ چه‌کداره‌کانی تورکیا به‌شێکن له‌ ئه‌نجامده‌رانی پێشێلکارییه‌کان که‌ خۆی له‌ ده‌ستگیر کردنی هه‌ڕه‌مه‌کی و ڕفاندن و ده‌ست به‌سه‌رداگرتنی ماڵ و خانوو و دزین و تاڵانیدا ده‌بینێته‌وه‌.

لێبوردنی نێو نەتەوەیی ئەماژەی داوە: چه‌کداره‌کانی تورکیا به‌ هاوبه‌شی گرووپه‌ چه‌کداره‌ سوورییه‌کان ده‌ستیان گرتوووه‌ به‌ سه‌ر قوتابخانه‌کانی عه‌فریندا و ئه‌وه‌ش بووه‌ته‌ هۆی بێبه‌ش کردنی هه‌زاران منداڵی شاره‌که‌ له‌ خوێندن.

هەر لەمبارەوە لین مه‌علووف، به‌ڕێوه‌به‌ری توێژینه‌وه‌کانی ڕۆژهه‌ڵاتی ناوه‌ڕاست له‌ لێبوردنی نێو نەتەوەیی وتی: په‌لاماردان و داگیرکردنی عه‌فرین له‌ لایه‌ن سوپای تورکیاوه‌ مه‌ینه‌تییه‌کانی دانیشتوووانی عه‌فرینی زیاتر کردوووه‌ که‌ خۆیان گیرۆده‌ی شه‌ڕێکی ناوخۆییی خوێناوی چه‌ند ساڵه‌ی سووریا بوون و ئازاری زۆریان چه‌شتووه‌.

ناوبراو داوای له‌ به‌رپرسانی نه‌ته‌وه‌ یه‌کگرتوووه‌کان و کۆمه‌ڵگه‌ی نێوده‌وڵه‌تی کرد که‌ به‌ په‌له‌ سنوورێک بۆ ئه‌و پێشێلکارییانه‌ دابنێن که‌ تورکیا به‌رپرسه‌ لێی و ئه‌و وڵاته‌ پابه‌ند بکرێت به‌ پاراستنی گیانی دانیشتوانی عه‌فرین.

News Code 20741

نیشانەکان

بۆچوونی ئێوە

You are replying to: .
  • 3 + 2 =