دەسەڵاتدارانی ئەمریکا لە تێچووەکانی شەڕ لە گەڵ ئێران دەترسن

سەرۆکی کۆمیسیۆنی ئاسایشی نەتەوەیی و سیاسەتی دەرەکی مەجلیس بە ئاماژە بەوەی کە دەسەڵاتدارانی ئەمریکا لە تێچووەکانی شەڕ لە گەڵ ئێران دەترسن، وتی: ئەوان لە ئەنجامدا ناچار لە گرتنەبەری رێگەی دیپلۆماسی لە ئێرانن.

حیشمەتوڵڵا فەلاحەت پیشە لە وتووێژ لە گەڵ ئاژانسی هەواڵی مێهر، لە کاردانەوە بە پێشنیاری ئەم دواییەی سەرۆک کۆماری ئەمریکا بۆ دانوستانی بێ مەرج لە گەڵ کۆماری ئیسلامی ئێران و لێدوانە دژ بە یەکەکانی وەزیری دەرەوەی ئەو وڵاتە لەوبارەیە، ڕایگەیاند: ئەو دژوازییە بۆ ئەوە دەگەڕێتەوە کە ئەمریکییەکان تەنیا بە قسە ئاور لە دانوستان و پەیوەندی دەدەنەوە و هێشتا نەگەیشتوونەتە تەگبیرێکی یەکلاکراوە لەوبارەیە.

وتیشی: ئەمریکا لە لایەن وڵاتانی جۆراوجۆری جیهان لە ژێر گوشاردایە و لە بابەتی پێشێل کردنی دیپلۆماسی ڕەخنەیان لێ دەگیردرێ، کەواتە ڕوویان لە پرسی گفتوگۆ لە گەڵ ئێران ناوە، بەڵام هیچ ستراتژییەکی ڕوونیان بۆ دانوستان لە گەڵ ئێران نییە.

سەرۆکی کۆمیسیۆنی ئاسایشی نەتەوەیی و سیاسەتی دەرەکی مەجلیسی شۆڕای ئیسلامی زیادی کرد: جگە لەوە، بۆ شەڕ لە گەڵ ئێرانیش ستراتژییەکی دیار و ڕوونیان نییە، چونکە ئێران وڵاتێکی جیاوازە و دەسەڵاتدارنی ئەمریکا لە تێچووەکانی ئەو شەڕە دەترسن.

فەلاحەت پیشە سەبارەت بە ئەنجامی دانوستانەکان لە ئەورووپییەکان سەبارەت بە داهاتووی بەرجام و هەڵسوکەوتی ئەمریکا لە وڵاتانی ئەورووپی لەوبارەیە، ڕایگەیاند: من لام وایە لە ئەنجامدا ئەمریکا ناچار دەبێت کە ڕەوتی دیپلۆماسی لە گەڵ ئێران بگرێتە بەر، چونکە ئەزموونی مێژوویی نیشان دەدا کە کۆماری ئیسلامی ئێران تەسلیمی داخوازییە ناڕەواکان نابێت.

News Code 20735

نیشانەکان

بۆچوونی ئێوە

You are replying to: .
  • 1 + 8 =