سووتاندنی کتێبی داعشییه‌کان له‌ دیمەشق و غوته‌ی ڕۆژهه‌ڵاتی

به‌رپرسی نووسینگه‌ی وه‌زاره‌تی ئه‌وقافی سووریا ڕایگه‌یاند که‌ ژماره‌یه‌کی زۆر له‌ کتێب و فتواکانی تیرۆریست و داعشییه‌کان له‌ دیمەشق و غوته‌ی ڕۆژهه‌ڵاتی دۆزراوه‌ته‌وه‌.

به ڕاپۆرتی ئاژانسی مێهر له‌ سپۆنتیک، نه‌بیل سلێمان، به‌رپرسی نووسینگه‌ی وه‌زاره‌تی ئه‌وقافی سووریا ڕایگه‌یاند که‌ ژماره‌یه‌کی زۆر له‌ کتێب و فتواکانی تیرۆریست و داعشییه‌کان له‌ دیمەشق و غوته‌ی ڕۆژهه‌ڵاتی دۆزراوه‌ته‌وه‌.

ئه‌و زیادی کرد: دوای ئه‌وه‌ی ناوچه‌ جیاوازه‌کان به‌ ده‌ستی سوپای سووریا ئازاد بوو. هێزه‌کانی سووریا هه‌موو مزگه‌وته‌کانی غوته‌ی ڕۆژهه‌ڵاتیان خاوێن کردووه‌ته‌وه‌ که‌ ببوه‌ بنکه‌ی داعشییه‌کان و تیرۆریسته‌کانی به‌ره‌ی نووسره‌. تیرۆریسته‌کان بیرۆکه‌ی ئیبنی ته‌یمیه‌، ئیبنی عه‌بدولوه‌هاب و که‌سایه‌تییه‌کانی تیرۆریسته‌کانیان بڵاو ده‌کرده‌وه‌.

سلێمان جه‌ختی کرد: زۆربه‌ی ئه‌م کتێبانه‌ که‌ ئه‌و بیرۆکانه‌یان بڵاو ده‌کرده‌وه‌ دۆزراونه‌ته‌وه‌ و سووتێندراون تاکوو به‌ ده‌ستی که‌سی دیکه‌ نه‌گات. له‌ ساڵی ۲۰۱۲وه‌ که‌ڵک بردن له‌م کتێبانه‌ له‌ سووریا قه‌ده‌غه‌ کراوه‌.

تیرۆریسته‌کان له‌ سووریا به‌ پێی ئه‌م کتێبانه‌ و ڕێنمایی ئه‌م که‌سانه‌ فتوای کوشت و کوشتاری خه‌ڵکی بێ تاوانیان ده‌دا.

News Code 20699

نیشانەکان

بۆچوونی ئێوە

You are replying to: .
  • 2 + 1 =