ئێران بایەخ بە پێشنیارەکەی ترامپ نادات

سەرۆکی ئەنجومەنی ستراتێژیکی پەیوەندییە دەرەکییەکانی ئێران وتی: بە لەبەرچاو گرتنی ئەزموونی تاڵمان لە دانوستان لەگەڵ ئەمریکا ئاساییە کە هیچ بایەخێک بە پێشنیارەکەی ترامپ نەدەین.

 بە ڕاپۆرتی ئاژانسی هەواڵی مێهر، سسەید کەماڵ خەڕازی، سەرۆکی ئەنجومەنی ستراتێژیکی پەیوەندییە دەرەکییەکانی ئێران لە کاردانەوە بە پێشنیاری سەرۆک کۆماری ئەمریکا بۆ دیداری نێوان حەسەن ڕۆحانی و ترامپ ڕایگەیاند: وا دیارە ترامپ حەزی لە دانوستان بۆ دانوستانە و زۆر بیر لە ئەنجامی دانوستانەکانی خۆی و وتە دژبەیەکەکانی ناکاتەوە.

ڕاشیگەیاند: بە لەبەرچاو گرتنی ئەزموونی تاڵمان لە دانوستان لەگەڵ ئەمریکا و پێشێل کردنی بەردەوامی بەڵێنەکان لە لایەن واشنتۆنەوە، ئاساییە کە هیچ بایەخێک بە پێشنیارەکەی ترامپ نەدەین، ترامپ دەبێ پێش هەموو شتێک گەڕانەوەی لە بەرجام قەرەبوو بکاتەوە و نیشانی بدات کە ڕێز لە بەڵێنەکانی بەڕێوەبەرانی پێش خۆی دەگرێت.

News Code 20667

نیشانەکان

بۆچوونی ئێوە

You are replying to: .
  • 1 + 4 =