۳۰ بەرهەمی هونەرمەندانی هەرێمی کوردستان لە سنە پیشان دەدرێت

گه‌لەری دیاری سنه‌ ڕایگه‌یاند که‌ ڕۆژی ۱۰ی گه‌لاوێژ پێشانگایه‌ک به‌ به‌شداری ۴۵ نیگارکێش له‌ کوردستانی ئێران و هه‌رێم ده‌کرێته‌وه‌.

به ڕاپۆرتی ئاژانسی مێهر، حه‌سه‌ن ئه‌نجومه‌ن، به‌ڕێوه‌به‌ری گه‌له‌ری دیاری سنه‌ له‌ کۆنفڕانسێکی مێدیایی ئاماژه‌ی دا: گه‌له‌ری دیار له‌ ساڵی ۹۵وه‌ ده‌ستی به‌ کار کردووه‌، له‌م یه‌ک ساڵ و نیوه‌دا ۲۵ پێشانگای کردووه‌ته‌وه‌ و زیاتر له‌ ۸ هه‌زار که‌س له‌ پێشانگاکان دیداریان کردووه‌.

ئه‌و زیادی کرد: ئامانجی سه‌رەکی ئێمه‌ په‌ره‌دان به‌ ئه‌زمونی هونه‌ری کوردییه‌، هه‌روه‌ها هه‌وڵمان داوه‌ که‌ به‌رهه‌می هونه‌رمه‌ندانی ده‌ره‌وه‌ی پارێزگای کوردستانیش نمایش بکه‌ین و ببێته‌ به‌ستێنێک بۆ ئاشنایی زیاتری هونه‌رمه‌ندان.

ئه‌نجومه‌ن وتی: ناتوانین هه‌ر به‌رهه‌مێک له‌ گه‌رله‌رییه‌که‌مان نمایش بکه‌ین، لێژنه‌یه‌کی شاره‌زا به‌ کاری هونه‌ری چاودێڕی چونیه‌تی به‌ڕێوه‌ چوونی پێشانگاکان ده‌که‌ن.

ئه‌و له‌ درێژه‌دا وتی: هه‌ر له‌ درێژه‌ی ئه‌م ئامانجانه‌ بڕیار وایه‌ که‌ به‌یانی ۱۰ی گه‌لاوێژ پێشانگایه‌کی هاوبه‌ش له‌ نێوان هونه‌رمه‌ندانی پارێزگای سلێمانی و کوردستانی ئێران به‌ڕێوه‌ بچێت.

به‌ڕێوه‌به‌ری گه‌له‌ری دیار ئاماژه‌ی دا: ئه‌م پێشانگایه‌ به‌ به‌شداری گه‌له‌ری حه‌وت ڕه‌نگی سلێمانی و به‌شداری هونه‌رمه‌ندانی ناسراو وه‌ک هادی و مه‌هدی زیائه‌دینی، فه‌ردین سادق ئه‌یوبی و که‌سانی دیکه‌ به‌ڕێوه‌ ده‌چێت. ئه‌مه‌ یه‌که‌مین پێشانگای نێونه‌ته‌وه‌یی گه‌له‌ری دیاره‌ که‌ هیوادارین بتوانین له‌ دوای ئه‌مه‌ له‌ هونه‌رمه‌ندانی وڵاتانی دیکه‌ش پێشانگا بکه‌ینه‌وه‌.

ئه‌و له‌ کۆتایدا وتی: له‌ ۳۰ هونه‌رمه‌ندی هه‌رێمی کوردستان ۹۰ به‌رهه‌م به‌ ده‌ستمان گه‌یشت که‌ ۳۰ به‌رهه‌میان که‌ له‌گه‌ڵ فه‌رهه‌نگی ئێران گونجاو بوو بۆ نمایش کردن هه‌ڵبژێردراوه‌. ۱۵ به‌رهه‌می هونه‌رمه‌ندانی پارێزگای کوردستانیش له‌م پێشانگایه‌ نمایش ده‌کرێت که‌ سه‌رجه‌م ۴ ڕۆژ ده‌خایه‌نێت.

News Code 20664

نیشانەکان

بۆچوونی ئێوە

You are replying to: .
  • 1 + 4 =