هه‌واڵی مردنی فه‌تحوڵا گوله‌ن ڕه‌ت کرایه‌وه‌

سه‌رچاوه‌ نزیکه‌کان له‌ فه‌تحۆڵا گوله‌ن که‌ ده‌وڵه‌تی تورکیا به‌ ئه‌نجام دانی کوده‌تاکه‌ی ساڵی ۲۰۱۶ تۆمەتباریانی کردووه‌، هه‌واڵی مردنی ئه‌م که‌سایه‌تییه‌ دینییه‌یان ڕه‌ت کرده‌وه‌.

به ڕاپۆرتی ئاژانسی مێهر، سه‌رچاوه‌ نزیکه‌کان له‌ فه‌تحۆڵا گوله‌ن به‌ سپۆنتیکی ڕووسیایان ڕاگەیاندووه‌ که‌ هه‌واڵی مردنی ئه‌م که‌سایه‌تییه‌ تورکه‌ دووره‌ له‌ ڕاستی و ئه‌و زیندووه‌.

حه‌فته‌ی ڕابردوو چه‌ند مێدیاییه‌کی تورکیا ڕایانگه‌یاند که‌ فه‌تحۆڵا گوله‌ن، نزیک به‌ یه‌ک مانگ پیش ئێستا به‌ هۆی شێرپه‌نجه‌وه‌ مردووه‌ و له‌ گۆڕێکی بێ ناو و نیشان به‌ خاک سپێردراوه‌.

فه‌تحۆڵا گوله‌ن، سه‌رۆکی بزوتنه‌وه‌ی گوله‌ن له‌ تورکیایه‌، ماوه‌ی چه‌ندین ساڵه‌ که‌  له‌ پینسیلوانیای ئه‌مریکا په‌نابه‌ره‌ و له‌وێ نیشته‌جێیه‌.

ئه‌و ڕه‌خنه‌ی توندی له‌ ئه‌ردۆغان هه‌یه‌. هه‌روه‌ها ده‌وڵه‌تی تورکیا بزوتنه‌وه‌ی گوله‌نی خستووه‌ته‌ لیستی تیرۆریستی و لاینگرانی ئه‌م گرووپه‌ له‌ دام و ده‌زگا ده‌وڵه‌تییه‌کان ده‌ر کردووه‌.

تورکیا گوله‌ن به‌ به‌رپرسی کوده‌تاکه‌ی ساڵی ۲۰۱۶ ده‌زانێت و له‌ ئه‌مریکا داوای کردووه‌ تاکوو ئه‌م که‌سایه‌تییه‌ ڕاده‌ستی ئه‌نقه‌ره‌ بکرێته‌وه‌.

واشنتۆن تاکوو ئێسته‌ وڵامی تورکیای نه‌داوه‌ته‌وه‌ و ڕایگه‌یاندووه‌ که‌ به‌ڵگه‌ی ته‌واویان به‌ ده‌ست نه‌گه‌یشتووه‌ که‌ نیشان بدات گوله‌ن ده‌ستی له‌و کوده‌تایه‌دا بووه‌.

News Code 20656

نیشانەکان

بۆچوونی ئێوە

You are replying to: .
  • 1 + 9 =