کوردستان بووه‌ قاره‌مانی بۆکسی مێرمنداڵان

کێبه‌رکێی بۆکسی قاره‌مانی میرمنداڵانی ئێران که‌ له‌ یاریگای ئازادی سنه‌ به‌ڕێوه‌ چوو، کۆتایی پێهات.

به ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی ئیداره‌ی وه‌رزش و لاوانی کوردستان، کێبه‌رکێی بۆکسی قاره‌مانی میرمنداڵانی ئێران که‌ له‌ یاریگای ئازادی سنه‌ به‌ڕێوه‌ چوو، به‌ قاره‌مانی یانه‌ی کوردستان کۆتایی پێهات.

له‌م یاریانه‌ یانه‌کانی کوردستان، ئیلام، کرماشان، هه‌مه‌دان و لوڕستان له‌ کێشه‌ جۆراجۆره‌کان پێکه‌وه‌ دوو ڕۆژ کێبه‌رکێیان کرد.

له‌ کۆتایی ئه‌م کێبه‌رکێیانه‌ له‌ کێشی ۴۰ کیلۆ به‌همه‌ن که‌یخوسره‌وی، له‌ کێشی ۵۲ کیلۆ یونس سلێمان زاده‌، ۵۶ کیلۆ په‌رویز ڕوسته‌می، ۶۴ کیلۆ سه‌لاح زارعی، ۶۹ کیلۆ فه‌رهاد ئه‌مینی، ۷۵ کیلۆ ئاکام مه‌ڕی، ۹۱ کیلۆ دانیال ئه‌حمه‌دنژاد و سامان حسه‌ینی له‌ کوردستان میدالیای زێڕیان به‌ ده‌ست هێنا.

بردنه‌وه‌ی مێدالیای زۆر بووه‌ هۆی ئه‌وه‌ی که‌ کوردستان به‌ پله‌ی زۆر باڵا ببێته‌ یانه‌ی یه‌که‌می کێبه‌رکێکان و کرماشان و هه‌مه‌دانیش پله‌ی دووهه‌م و سێهه‌میان به‌ ده‌ست هێنا.

له‌م کێبه‌رکێیانه‌ بیژه‌ن عه‌بدولمه‌له‌کی، سۆران حسه‌ینی و محه‌مه‌د مولایی سه‌رپه‌ره‌شتی یانه‌ی کوردستانیان له‌ ئه‌ستۆ بوو.

شایانی باسه‌ که‌ براوه‌کانی ئه‌م کێبه‌رکێیانه‌ بۆ کێبه‌رکێی کۆتایی سه‌رتانسه‌ری ئێران له‌ تاران ڕه‌وانه‌ ده‌کرێن.

News Code 20635

نیشانەکان

بۆچوونی ئێوە

You are replying to: .
  • 3 + 4 =