فستیڤاڵی شانۆی کوردی نمانەی فەرهەنگ و هونەری کوردییە

نوێنەری سەقز و بانە وتی: فستیڤاڵی شانۆی کوردی نمانەی فەرهەنگ و هونەری کوردییە.

بە ڕاپۆرتی ئاژانسی مێهر ، موحسن بیگلری، نوێنەری شارەکانی سەقز و بانە وتی: پانزدەهەمین خولی فستیڤاڵی نێو نەتەوەیی شانۆی کوردی سەقز ڕووداوێکی فەرهەنگییە کە لە ساڵانی ڕابردوودا توانیویەتی کاریگەریی بەرچاوی لە فەرهەنگی کوردستاندا هەبێت.

ئەو زیادی کرد: پارێزگای کوردستان وەک ڕێبەری باڵا فەرموویان نیشتمانی فەرهەنگ و هونەرە و توانای کاریگەری سەرتانسەری هەیە و ئەم هونەرەش لە هەموو بوارەکان خۆی نیشان داوە. ناساندنی فەرهەنگی کوردی بە زمانی شانۆ ئامانجی سەرەکی ئەم فستیڤاڵەیە و گرنگی دان بە ژێرخانی هونەری شانۆ لە سەقز یەکەمایەتی ئێمەیە.

بیگلەری ئاماژەی دا: سپاسی بەرپرسان دەکەم کە ئەم ساڵ هەموو سەرپەرەشتی فستیڤاڵەکە بە دوکتور قوتبەدین سادقی سپێردرا. گومانی تێدا نییە هاوکاری ئیدارەی فەرهەنگ و ئیرشاد لەگەڵ ئەم هونەرەندە گەورە و جیهانیانە دەبێتە هۆی ئەوەی کە فستیڤاڵەکە زۆر باشتر لە جاران بەڕێوە بچێت و ئاستی هونەری کوردی بەرزتر بکات.

 ئەم نوێنەرە کوردە جەختی کرد: گرنگ و پێویستە کە ئەم فستیڤاڵە بچێتە خانەی فستیڤاڵە سەرتانسەرییەکان و گرنگی تایبەتی پێ بدرێت و بودجەی تایبەتی بۆ دابین بکرێت.

بیگلەری لە کۆتایدا سپاسی هەموو بەرپرسانی ئیدارەی فەرهەنگ و ئیرشادی شاری سەقزی کرد کە هەوڵیان داوە فستیڤاڵەکە بە باشی بەڕێوە چووە.

News Code 20562

نیشانەکان

بۆچوونی ئێوە

You are replying to: .
  • 5 + 1 =