ئەمریکا بیر لە دانوستانی یەک لایەنە لە سای هەڕەشە لە ئێران نەکاتەوە

وتەبێژی وەزارەتی دەرەوە وتی: بەرپرسانی ئەمریکی بیر لە دانوستانی یەک لایەنە و زێدەخوازانە لە سای هەڕەشە لە ئێران نەکەنەوە.

بە ڕاپۆرتی ئاژانسی هەواڵی مێهر، بەهرام قاسمی، وتەبێژی وەزارەتی دەرەوەی ئێران لە کاردانەوە بە وتەکانی کاربەدەستانی ئەمریکی کە ھاوکاتی ھەڕەشە و گوڕەشە، باسی دانوستان لە گەڵ ئێران دەکەن، وتی: ئەمریکا با بزانێ کە چاخی ئێستا سەردەمی پاوانخوازی، زاڵیەتی و ڕوانینی یەک لایەنە نییە.

قاسمی وێڕای پێداگری لە سەر ئەوەی کە ھیچ متمانەیەک بە قسە و کرداری بەرپرسانی ئەمریکی لە بابەتی دانوستان ناکرێت، جەختی کرد: بەرپرسانی ئەمریکی بیر لە دانوستانی یەک لایەنە و سەرچاوەگرتوو لە پاوانخوازی و ھەڕەشەوگوڕەشە لەگەڵ ئێران بۆ ھەمیشە لەبیر بەرنەوە و بە تەمای دووپات کردنەوەی ئەزموونە کۆن و شکست خواردووەکانی ڕابردوویان نەبن.

وتەبێژی وەزارەتی دەرەوەی وتیشی: گەلی چاونەترس، خاوەن شارستانییەت و مێژووسازی ئێران بە درێژایی مێژووی پڕ لە شانازیی خۆی بە قۆستنەوەی فەرهەنگی دەوڵەمەند، وریایی و ژیری، لە کاتی خۆیدا ھەڕەشەی بە ھەڕشە و ڕێزگرتنی بە ڕێزگرتن وەڵام داوەتەوە و قەت لە بەرامبەر پاوانخوازی و گوشار و زێدەخوازی، هێژمۆنیا و گوشار بۆ ساتێک لە بەرگری و پاراستنی مافی گەلەکەی، سەروەریی خاک و سەربەخۆیی ئێران نەوەستاوە و ناوەستێت.

نابراو ڕوو لە بەرپرسانی دەوڵەتی ترامپ، ڕاگەیاند: ویلایەتە یەکگرتووەکان دەبێ زیاتر لە جاران بزانێت کە جیهانی ئێستا و سەردەمی ئەمڕۆ، سەردەمی خۆداسەپاندن و هێژمۆنی و تاک لایەن‌خوازی نییە. ئاوردانەوەیەک لە ڕای گشتی جیهانی و وێناکرانی دزێوانەی ئاکاری دەوڵەتی ئەمریکا لە گۆشەنیگای ئەوانەوە، نیشاندەری گۆڕان و ئاڵوگۆڕیی قووڵ و بنەمایی لە بواری نێودەولەتییە. ئەمریکا دەبێ پێگەی خۆی بناسێت و هەوڵی زیاتر بدات بۆ ناسینی پێگە و ئاستی خۆی هەمبەر بە ئێران.

شایانی باسە، نیکی ھیلی نوێنەری ئەمریکا لە ڕێکخراوەی نەتەوە یەکگرتووەکان دووشەممەی ڕابردوو لە وتووێژێکدا لەگەڵ کەناڵی سی بی ئێن-ی ئەە وڵاتە، دوای تۆمەتبار کردنی ئێران بەوەی کە واژۆکەرانی ڕێککەوتنی ناڤۆکیی بەرجامی لە ھەنگاوەکانی داھاتووی خۆی ترساندووە، ئامادەیی وڵاتەکەی بۆ دانوستان لەبارەی ڕێککەوتنێکی ناڤۆکیی نوی لەگەڵ ئێران ڕاگەیاند.

News Code 20537

نیشانەکان

بۆچوونی ئێوە

You are replying to: .
  • 5 + 1 =