ئەمریکا دیپلۆماسی نەزانانە پەیڕەو دەکات/وەڵامی هەر قسەیەکی پووچ نادەینەوە

سەرۆکی مەجلیسی شورای ئیسلامی بە وتنی ئەوەی کە ویلایەتە یەکگرتووەکان دیپلۆماسیەکی نەزانانە دەباتە پێشەوە، وتی: وڵامی هەر قسەیەکی پڕوپووچ نادەینەوە.

بە ڕاپۆرتی هەواڵنێری مێهر، لە کۆبوونەوەی گشتیی ئەمڕۆ سیشەممەی مەجلیس، حسێن عەلی حاجی دلیگانی نوێنەری شاهین شار بە وتنەوەی تێبینییەک بە لاریجانیی وت: چاوەڕوان دەکرا لە سەرەتای کۆبوونەوەکەوە وەڵامی قسەکانی ترامپتان دەدایەوە، تا وا بیر نەکەنەوە پلە و پایەیەکیان هەیە.

لە درێژەدا عەلی لاریجانی لە وەڵامی ناوبراو دا ئاشکرای کرد: ئێمە وەڵامی هەر قسەیەکی پروپووچ و بێ بنەما نادەینەوە.

ناوبراو زیادی کرد: قسەکانی ترامپ حاڵەتی دیپلۆماتیکی نەبوو.

لاریجانی جەختی کرد: ویلایەتە یەکگرتووەکان ئەمرۆ بە ڕێکوپێکی هەڵسوکەوتی دیپلۆماتیک نازانێت  و وەحشیگەریەک لە دیپلۆماسی پەرە پێدەدات. ویلایەتە یەکگرتووەکان دیپلۆماسیەکی نەزانانە دەباتە پێشەوە. خودا لە قورئاندا هێناویە: زۆر بە لای قسەکانیاندا مڕۆن. ئەوان لە ڕاستیدا خۆیان خراپ دەکەن.

News Code 20486

نیشانەکان

بۆچوونی ئێوە

You are replying to: .
  • 6 + 4 =