یانەی ڕاکردنی "بەخشینی ئەندام"ی کوردستان ۱۰ میدالیایان بە دەست هێنا

یانەی ڕاکردنی بەخشینی ئەندامی کوردستان لە کێبەرکێی پاڵەوانی گەورە ساڵان ۷ میدالیای زێڕ و دوو زێو و یەک بڕۆنزیان لە دوو بەشی پیاوان و ژنان بە دەست هێنا.

بە ڕاپۆرتی ئاژانسی مێهر لە پەیوەندییە گشتییەکانی ئیدارەی وەرزش و لاوانی کوردستان، کێبەرکێی ڕاکردنی  گەورە ساڵان لە نێوان ئەندامانی بەخشینی ئەندامی ئێران بە بڵاو کردنەوەی میدالیای کەسە براوەکان کۆتایی پێهات.

لەم کێبەرکێیانە ۲۱ وەرزشوان لە سەرتانسەری ئێران بەشداریان کرد و لە شاری تاران پێکەوە کێبەرکێیان کرد.

یانەی کوردستان بە ٦ وەرزشوان بە سەرپەرەشتی و ڕاهێنەری سۆران محەمەدی بەشداری ئەم کێبەرکێیانەی کرد و دواجار توانی ۷ میدالیای زێڕ و دوو زێو و یەک بڕۆنز بە دەست بهێنن.

محەمەد ڕەسوڵی، وەرزشوانی کورد لە دوو بەشی ٨۰۰ و ۱٥۰۰ مەتر توانی دوو میدالیای زێڕ بباتەوە. سادق محەمەدی دوو میدالیای زێڕ و زێو، سالار ئیسماعیلی میدالیایەکی زێو و فواد خوڕەمیش میدالیایەکی بڕۆنزی بردەوە.

لە بەشی کچانیش سورەیا عەبدولمەلەکی دوو زێڕ و گەلاوێژ دارخاڵ دوو زێڕ و زێوێکی لەم کێبەرکێیانە بۆ کوردستان بردەوە.

کێبەرکێی ڕاکردنی بەخشینی ئەندامانی سەرتانسەری ئێران لە ڕۆژانی ۱٥ بۆ ۱۷ۍ پوشپەڕ لەتاران بەڕێوە چوو.

News Code 20160

نیشانەکان

بۆچوونی ئێوە

You are replying to: .
  • 5 + 6 =