په‌یوه‌ندی کورد و شۆڕشی ئیسلامی له‌ هێڵی پێشه‌وه‌ی شه‌ڕ له‌گه‌ڵ دوژمن هاته‌ دی

وته‌بێژی لێژنه‌ی فه‌رهه‌نگی مه‌جلیسی شۆرای ئیسلامی له‌ شاری بانه‌ وتی: په‌یوه‌ندی کورده‌کان و شۆڕشی ئیسلامی له‌ هێڵی یه‌که‌می شه‌ڕی دوژمنان دروست بوو.

به ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی ئیداره‌ی ته‌بلیغاتی ئیسلامی کوردستان، ئه‌حه‌د ئازادیخا له‌ یه‌که‌مین کۆنفڕانسی نیشتمانی کورد و کۆماری ئیسلامی له‌ ئۆتێل هاله‌ی بانه‌ وتی: ئه‌مریکا ده‌زانێت که‌ هیچ وڵاتێک هێزی ئێرانی نییه‌ و ئامانجی ئه‌م وڵاته‌ زه‌ربه‌دان له‌ ‌هێز و هه‌یمه‌نه‌ی ئێرانه‌.

ئه‌و وتی: داگیرکاری جیهانی له‌ دوای دابه‌ش کردنی وڵاتی ئێمه‌یه‌ تاکوو نه‌وت و سه‌رمایه‌ی وڵاتان به‌ تاڵان ببات. کشانه‌وه‌ی ئه‌مریکا له‌ به‌رجام، هه‌ڕه‌شه‌ له‌ هه‌نارده‌ کردنی نه‌وتی ئێران، زیندوو کردنه‌وه‌ی تۆڕی تیرۆریستی موجاهدینی خه‌لق و هه‌ستیار کردنی بزوتنه‌وه‌ سیاسییه‌ درۆییه‌کان له‌ ئاستی نێونه‌ته‌وه‌یی گرنگ ترین مه‌ترسییه‌کانی دوژمن له‌ دژی ئێرانه‌.

ئازادیخا وتیشی: ئه‌منیه‌ت و به‌هێز بوونی ئێران به‌ بوونی ئه‌و کوردانه‌وه‌ دروست بووه‌ که‌ چاودێڕی سنووره‌کانن و خه‌ڵکی ئێران قه‌رزداری ئه‌م له‌خۆبردووییه‌ی خه‌ڵکی کوردن. هه‌ر چوار پارێزگا کوردنشینه‌که‌ له‌ سه‌رده‌می شه‌ڕی عێراق له‌ هێڵی یه‌که‌می به‌رخۆدان بوون. په‌یوه‌ندی کورده‌کان و شۆڕشی ئیسلامی له‌ هێڵی یه‌که‌می شه‌ڕ له‌گه‌ڵ دوژمنان، هاته‌ دی و دروست بوو.

ئه‌م نوێنه‌ره‌ی مه‌جلیسی شۆرای ئیسلامی ئێران زیادی کرد: ڕێبه‌ری باڵای ئێران کوردستانی به‌ دڵی ئێران ناو بردووه‌ که‌ پێگه‌ی زۆر به‌رزی هه‌یه‌، ڕژیمی پاڵه‌وی خه‌ڵکی کوردی گۆشه‌گیر و په‌ڕاوێز خستبوو، به‌ڵام دوای شۆڕشی ئیسلامی هه‌موو ئێران به‌ڕووی خه‌ڵکی کورد کرایه‌وه‌.

ئه‌و سه‌باره‌ت به‌ کۆڵبه‌ری له‌ کوردستان وتی: ڕێبه‌ری باڵای ئێران جه‌ختیان کردووه‌ که‌ مه‌به‌ستی من له‌ قاچاخ، کۆڵبه‌ری نییه‌ به‌ڵکو مافیایه‌که‌ که‌ له‌ پشت قاچاخ خۆیان شاردووه‌ته‌وه‌ و ئێمه‌ ده‌بێت له‌ بیری چاره‌سه‌ر کردنی کێشه‌ی ئابووره‌ی و کار له‌ ناوچه‌ سنوورییه‌کان بین.

News Code 20120

نیشانەکان

بۆچوونی ئێوە

You are replying to: .
  • 8 + 1 =