ئێران به‌رده‌وام ده‌بێت له‌ پشتیوانی به‌ره‌ی به‌رخۆدان و فه‌له‌ستین

ڕاوێژکاری تایبه‌تی سه‌رۆکی مه‌جلیسی شۆرای ئیسلامی ئێران وتی: ئێران به‌رده‌وام ده‌بێت له‌ پشتیوانی به‌ره‌ی به‌رخۆدان ناوچه‌که‌ و سه‌باره‌ت به‌ فه‌له‌ستین چاوپۆشی له‌ هیچ ناکات.

به‌ ڕاپۆرتی ئاژانسی مێهر له‌ "خانه‌ ملت"، سه‌لاح زه‌واری، باڵوێزی فه‌له‌ستین دوێنێ له‌ تاران له‌گه‌ڵ حسه‌ین ئه‌میر عه‌بدۆڵاهیان، ڕاوێژکاری تایبه‌تی سه‌رۆکی مه‌جلیسی شۆرای ئیسلامی ئێران بۆ کار و باری نێونه‌ته‌وه‌یی دیدار و گفتوگۆی کرد.

سه‌لاح زه‌واری له‌م دیداره‌ ئاماژه‌ی دا که‌ بابه‌تی فه‌له‌ستین ده‌بێت له‌ سه‌رووی کار و باری ئۆمه‌تی ئیسلامییه‌وه‌ بێت و وتی: ترامپ جێبه‌جێ کاری نێونه‌ته‌وه‌یی زایۆنییه‌کانه‌ له‌ حاڵێکدا هه‌موو ڕێبه‌ره‌کان و خه‌ڵکی فه‌له‌ستین گه‌ڵاڵه‌ی سازانی سه‌ده‌ ڕه‌ت ده‌که‌نه‌وه‌.

ئه‌و زیادی کرد: پیلانی دوژمنان سه‌باره‌ت به‌ موسوڵمانان بووه‌ هۆی دروست بوونی ڕژیمی زایۆنی که‌ ته‌نیا به‌ فه‌له‌ستین کۆتایی پێنایه‌ت. حزبی لیکود به‌ ڕێبه‌ری نتانیاهۆ له‌ دوای کۆنترۆڵی هه‌موو جیهانی ئیسلامه‌.

زه‌واری وتی: بڕیاری ترامپ سه‌باره‌ت به‌ شاری قودس له‌ ڕووی نادانی و حیماقه‌تی ئه‌وه‌یه‌، ئه‌م کاره‌ کاردانه‌وه‌ی نه‌رێنی له‌ دژی تلاڤیڤ ده‌بێت. ئه‌مریکا به‌ گوشاری ئابووری خستنه‌ سه‌ر بڕێک له‌ وڵاتانی ناوچه‌که‌ له‌ دوای ئه‌وه‌یه‌ تاکوو پیلانه‌کانی خۆی جێبه‌جێ بکات. ئێمه‌ هه‌موومان له‌ دوای ئه‌وه‌ین تاکوو ئه‌و سیاسییه‌ ئێرانییه‌ که‌ ۳۹ ساڵ به‌ر له‌ ئێستا له‌ لوبنان ڕێفێندرا چاره‌نووسی ڕوون بکرێته‌وه‌.

هه‌روه‌ها ئه‌میر عه‌بدوڵاهیان له‌م دیداره‌ ڕایگه‌یاند: ئێران به‌رده‌وام ده‌بێت له‌ پشتیوانی به‌ره‌ی به‌رخۆدان ناوچه‌که‌ و سه‌باره‌ت به‌ فه‌له‌ستین چاوپۆشی له‌ هیچ ناکات. ئه‌وه‌ هه‌ڕه‌شه‌کانی ڕژیمی زایۆنییه‌ که‌ هه‌موو وڵاتانی ناوچه‌که‌ی خستووه‌ته‌ مه‌ترسییه‌وه‌.

وتیشی: خۆڕاگری و به‌ڕێوه‌ بردنی ڕیفراندۆم له‌ نێوان دانیشتوانی مێژوویی فه‌له‌ستین چ مه‌سێحی، موسوڵمان و یه‌هودی دوو ڕێکاری ڕیشه‌یی چاره‌سه‌ر کردنی کێشه‌ی فه‌له‌ستینه‌.

سه‌رۆکی کۆنفڕانسی نێونه‌ته‌وه‌یی پشتیوانی له‌ فه‌له‌ستین جه‌ختی کرد که‌ ئێران له‌ ڕێچکه‌ نێونه‌ته‌وه‌ییه‌کان به‌دوادا چوون بۆ ئه‌و چوار سیاسییه‌ ڕفێندراوه‌ی ده‌کات و له‌م پرسه‌ ده‌ست هه‌ڵناگرێت.

عه‌بدوڵاهیان ئاماژه‌ی دا: ڕژیمی زایۆنی هه‌وڵ ده‌دات به‌ سه‌ر سووریا دوای داعش زاڵ بێت به‌ڵام هێزه‌کانی خۆڕاگری و ڕاوێژکارانی ئێران به‌رده‌وام ده‌بن له‌ ئاماده‌ بوون له‌ سووریا و شه‌ڕی دژ به‌ تیرۆریسته‌کان ده‌که‌ن. خه‌ڵکی سووریا ڕێگه‌ ناده‌ن که‌ جارێکی دیکه‌ ئه‌م وڵاته‌ ببێته‌وه‌ به‌ شوێنی تیرۆریسته‌کان.

News Code 20112

نیشانەکان

بۆچوونی ئێوە

You are replying to: .
  • 4 + 2 =