نەوتی ١٠٠ دۆلاری بەڕێوەیە

نوێنەری ئێران لە ئۆپێک وتی: بەرپرسایەتی نرخی زۆر و زیاتر لە ئاستی پێویستی نەوت بە تایبەتی لە بنکەکانی بڵاو کردنەوەی سووتەمەنی ویلایەتە یەکگرتووەکان، بە تەنیا لە ئەستۆی ترامپە.

بە ڕاپۆرتی ئاژانسی هەواڵی مێهر لە ڕۆیتێرز، حسێن کازم پوور ئەردەبێڵی وێڕای هۆشداری سەبارەت بە بێ ئاکام بوونی چاوەڕوانییەکانی ڕووسیا و عەرەبستان بۆ کەم کردنەوەی نرخی نەوتی خاو، وتی: نرخی نەوت بەم زووانە دوابەدوای تێکهەڵچوونی بەجێماو لە سیاسەتەکانی ترامپ، سەرۆک کۆماری ئەمریکا، دەگاتە ١٠٠ دۆلار لە هەر بەرمیلێکدا.

نوێنەری ئێران لە ئۆپێک زیادی کرد: ترامپ ئەبێ چاوەڕوانی ئەوە بێت کە هەوڵەکانی بۆ بەرگری لە بوونی ئێران لە بازاڕە جیهانییەکانی نەوتی خاو نابێتە هۆی بەرتیل گرتنی بازاڕ لە لایەن ڕووسیا و عەرەبستانەوە کە حەزی زۆریان لە بردنە سەرەوەی نرخەکانە.

ناوبراو زیادی کرد: بەرپرسایەتی نرخی زۆر و زیاتر لە ئاستی پێویستی نەوت لە لایەن هەمووی بەکارهێنەرانی جیهانەوە بە تایبەتی لە بنکەکانی بڵاو کردنەوەی سووتەمەنی ویلایەتە یەکگرتووەکان، بە تەنیا لە ئەستۆی ترامپە و هێشتا ئەبێ چاوەڕوانی نرخی ١٠٠ دۆلاری نەوت بین.

سەرۆک کۆماری ئەمریکا لە نوێترین توئیتی خۆیدا جارێکی تر ئۆپێکی بە بەرز کردنەوەی نرخی نەوت و سووتەمەنی تاوانبار کرد و داوای لە عەرەبستانی سعوودی و هاوپەیمانەکانی کرد بۆ درێژەی پاڵپشتی واشنتۆن، بەرهەمهێنانی نەوتی خۆیان بەرز بکەنەوە.

News Code 20103

نیشانەکان

بۆچوونی ئێوە

You are replying to: .
  • 9 + 1 =