کارناواڵی هونەرمەندانی کوردستانی ئێران لە هەرێمی کوردستان

ناسەی هەواڵ: 4334923 -
ژمارەیەک لە هونەرمەندانی پارێزگای کوردستان بە مەبەستی بەڕێوە بردنی کارناواڵێکی فەرهەنگی سەردانی هەرێمی کوردستانیان کرد.

بە ڕاپۆرتی ئاژانسی مێهر لە پەیوەندییە گشتییەکانی ئیدارەی فەرهەنگ و ئیرشادی کوردستان، ژمارەیەک لە هونەرمەندانی پارێزگای کوردستان بە مەبەستی بەڕێوە بردنی کارناواڵێکی فەرهەنگی سەردانی هەرێمی کوردستانیان کرد.

ئەم بەرنامە فەرهەنگییە لە ژێر ناوی بەزم و شایی بە مەبەستی پەرەدان بە پەیوەندی نێوان هەر دوولا بەڕێوە دەچێت.

ئەم کارناواڵە لە بە بەشداری ۲۰ هونەرمەندی کوردستانی و سەرپەرەشتی کورش ئەحمەدی، سەرۆکی پەیوەندییە گشتییەکانی ئیدارەی فەرهەنگ و ئیرشادی کوردستان ئەنجام دەبێت.

هونەرمەندانی وەک کامبیز ئەسەدی، عەلادین نەباتی، فەرید ڕەحیمی، فواد پێشوا، فەراز مەعروفی، ئەسعەد وەرمەزیار، زاید کەریمی، عەدنان قەوامی، ئەسعەد فەریدی و ئیرەج زبەردەست بەشداری ئەم گرووپە هونەرییەیان کردووە.

کارناواڵی فەرهەنگی بەزم و شایی بە پشتیوانی کونسولگەری ئێران لە هەرێمی کوردستان لەمڕۆ و بۆ ماوەی یەک حەفتە بەڕێوە دەچێت.

هەروەها لە تەنیشت ئەم حەفتەی فەرهەنگییە پێشانگای وێنەی سروشتی کوردستان نمایش دەکرێت.

ناردنی بۆچوون

4 + 11 =