گەمارۆکان ئەگەرچی سەختن، بەڵام دەرفەتێکی گەورەن بۆ وڵات

سەرۆک کۆمار وتی: گەمارۆکان دژواریی و سەخڵەتی زۆریان بۆ خەڵکی بە دواوەیە، بەڵام لە هەمان کاتدا دەتوانێ دەرفەتێکی گەورە بێت بۆ داهێنان، پێشکەوتن، بەرهەم هێنان و شانازی خولقاندن هەمبەر بە دەسەڵاتە زلهێزەکانی جیهانی.

بە ڕاپۆرتی ئاژانسی هەواڵی مێهر، حەسەن ڕۆحانی ڕۆژی پێنج شەممە لە ئاھەنگی کردنەوەی کەرتی دووھەمی پاڵاوگەی ئەستێرەی کەنداوی فارس وەکوو گەورەترین پاڵاوگەی شلەکی گازیی جیھان لە بەندەر عەباسی باشووری ئێران، ڕایگەیاند: ئەمڕۆ لەو بڕگە مێژووییە ھەرەگرینگانەیە کە دەبێ بەگژ ھەڕەشەی دوژمندا بچینەوە و لە بەرامبەریدا بوەستین و بیکەین بە ھەل.

سەرۆک کۆمار بە ئاماژە بەوەی کە وڵاتەکمان لە سای دەسەڵاتی هێزی چەکداری لە ناوچەدا ئاسایشێکی بێ هاوتای هەیە، ڕایگەیاند: ئاسایش و پێگەی ستراتژیکی ئێران گەلێک گرینگە و بە ھەڵسەنگاندنی ڕەوشتی ئێستای جیھان لە گەڵ بڕێک لە وڵاتانی ناوچەکە و تەنانەت بڕێک لە وڵاتانی باشووری کەنداوی فارس بەو ئەنجامە دەگەین کە دۆخی ئێران گەلێک باشترە.

جەختیشی کرد: گەمارۆ و بایکۆتەکان دژواریی و سەخڵەتی زۆریان بۆ خەڵکی بە دواوەیە، بەڵام لە هەمان کاتدا دەتوانێ دەرفەتێکی گەورە بێت بۆ داهێنان، پێشکەوتن، بەرهەم هێنان و شانازی خولقاندن هەمبەر بە دەسەڵاتە زلهێزەکانی جیهانی.

ڕۆحانی ڕاشیگەیاند: سەرکردەی وڵاتێکی باشووری کەنداوی فارس دەیگێڕاوە کە ساڵانە ٩ ملیارد دۆلار پارە دەدەینە ئەمریکا بۆ ئامادە بوونی لە ناوچەکەدا، تەنیا بۆ ئەوەی کە لە ئاراستەی مۆڵ درانی ھێزەکانی و دابین کردنی بەرژەوەندییە ناڕەواکانی لە ناوچەکەدا بڕێک وڵاتان تاڵان بکات.

سەرۆکی ھێزی بەڕێوەبەرایەتیی وڵات، ئاماژەی بە ھەنگاوگەلی دژە ئێرانیی سەرۆک کۆماری ئەمریکا و کشانەوەی ئەو وڵاتە لە ڕێککەوتنی ناڤۆکی (بەرجام) کرد و وتی: ئەوانەی وا لەو وڵاتەدا ھاتوونەتە سەر کار، پابەندی ھیچ نین و ھیچ پەیمانێک بە لایانەوە بایەخی نییە.

ناوبراو بە دەربڕینی ئەوەی کە نیوەی جەماوەری ئەمریکا لە حکوومەتەکەیان و کۆشکی سپی ناڕازین، بیری هێنایەوە: دەبێ خەرجێکی زیاتر بۆ بەرەنگاربوونەوەی کاری دزێوانەی دوژمنان داتاشین و بە خۆڕاگری لە بەرامبەر پیلانی دوژمنان، لە بەرامبەر خواستی گەلی ئێراندا بیانپڕوکێنین.

سەرۆک کۆمار وتیشی: کاتێک دوژمن لە بەرامبەرمان دەوەستێت و دەیەوێ شکۆی گەل بێنێتە خوارێ، دەبێ هەموو کێشەکانمان وەلاوە بنێین. ئێمە قۆناغگەلێکی زۆر دژوارمان لە سەرەتای شۆڕشەوە تا ئێستا تێپەڕاندووە.

ڕۆحانی بە داکۆکی لەوەی کە ئەمڕۆ رۆژی تاقیکاریی خوداییە، ڕایگەیاند: دەڵێن لە داهاتوودا دۆخەکە دژوارتر دەبێت. ئایا دەبێ خۆمان بدۆڕێنین و یەکتری تۆمەتبار بکەین؟ لە ٥ ساڵی ڕابردوودا بەرهەم هێنانی بەنزینی ئێمە لە سەدا ٤٥ زیادی کردووە کە ئەوە دەسکەوتی هەوڵی بێ وچانی کرێکاران، ئەندازیاران، پلان داڕێژەران و کەسانێکە کە لەم گەرمایەدا هەوڵ دەدەن و ئێمە شانازیان پێوە دەکەین.

ئاماژەی بەوەش دا: گەنجترین هێزەکان لە پاڵاوگەی ئەستێرەدا چالاکن و ئەوە جێی شانازییە. ئەی بۆ ناهومێدی و بێ هیوایی پەرە پێ دەدەن. ئایا دەبێ تەسلیم بین و دەست هەڵپێکین یان ئەوەی کە بوەستین و دەستی یەکتری بگرین.

ناوبراو ئاماژەی بە ڕادەست کردنی پشکی دەزگاگەلی گشتی و دەوڵەتی کرد و ڕاشیگەیاند: ئەستێرەی کەنداوی فارس یەکێکە لەو بنکە ئابووریانەی کە ئەگەر پشکەکانی بخرێتە بازاڕەوە لە یەک کاتژمێردا تەواو پشکەکانی دەفرۆشرێت. دەزگاگەلی حکوومەت و دەسەڵات، دەزگاگەلی گشتی و هێزی چەکداری هەر وەک لە دانیشتنی ئابووریی سەرۆکانی سێ دەزگادا جەختی لێ کرا، دەبێ پشکی گشتیان ئاراستە بکەن.

سەرۆک کۆمار لە کۆتاییدا وتیشی: یەکێک لەو ناوەند و دەزگایانە کە دەتوانێ لە کۆمەڵگادا سەرمایە ڕابکێشیت، وەزارەتی نەوتە. ئەمڕۆ دەتوانین سەرمایەدانەرییەکی بەربڵاومان لە بەرهەم هێنانی کۆمپانیاگەلی ناوخۆییدا هەبێت.

News Code 19878

نیشانەکان

بۆچوونی ئێوە

You are replying to: .
  • 3 + 14 =