به‌رپرسی به‌شی هونه‌ری فه‌رهه‌نگ و ئیرشادی کوردستان:

ڕیوڕه‌سمی یادی عه‌ره‌بعه‌لی شه‌روه‌ له‌ قوروه‌ به‌ڕێوه‌ ده‌چێت

ناسەی هەواڵ: 4332718 -
به‌رپرسی به‌شی هونه‌ری ئیداره‌ی گشتی فه‌رهه‌نگ و ئیرشادی کوردستان وتی: ڕیوڕه‌سمی یادی عه‌ره‌بعه‌لی شه‌روه‌ له‌ قوروه‌ به‌ڕێوه‌ ده‌چێت و به‌م بۆنه‌شه‌وه‌ په‌یکه‌ره‌یه‌کی لێ ساز ده‌کرێت.

ڕه‌شید مه‌حمودی له‌ گفتوگۆ له‌گه‌ڵ ئاژانسی مێهر وتی: عه‌ره‌بعه‌لی شه‌روه‌ له‌ ساڵی ۱۳۱۸ی هه‌تاوی له‌ گوندی شکواوای سه‌ر به‌ قوروه‌ له‌ دایک بووه‌ و ساڵی ۱۳۴۸ی هه‌تاوی بۆ خوێندنی نیگارکێشی چووه‌ هونه‌ره‌ جوانه‌کانی تاران. ئه‌و دوای ته‌واو کردنی خوێندن ساڵانێکی زۆر له‌ تاران و کوردستان سه‌رقاڵی وانه‌ وتنه‌وه‌ی هونه‌ر بوو.

ئه‌و زیادی کرد: دوای شۆڕشی ئیسلامی داخرانی زانکۆکان ئه‌م هونه‌رمه‌نده‌ کورده‌ سه‌رقاڵی وه‌رگێڕانی کتێبه‌ هونه‌رییه‌کان بوو که‌ زیاتر له‌ ۶۰ کتێبی جیهانی له‌ بواری هونه‌ر به‌ زمانی فارسی وه‌رگێڕا.

مه‌حمه‌دی وتی: ڕیوڕه‌سمی یادی عه‌ره‌بعه‌لی شه‌روه‌ له‌ قوروه‌ به‌ڕێوه‌ ده‌چێت و به‌م بۆنه‌شه‌وه‌ په‌یکه‌ره‌یه‌کی لێ ساز ده‌کرێت. له‌م ڕێوه‌ ڕه‌سمه‌ چه‌ندین وتار له‌ سه‌ر که‌سایه‌تی خوالێخۆش بوو شه‌روه‌ ده‌خوێندرێته‌وه‌.

به‌رپرسی به‌شی هونه‌ری ئیداره‌ی گشتی فه‌رهه‌نگ و ئیرشادی کوردستان هه‌روه‌ها وتی: په‌یکه‌ره‌ی ئه‌م مامۆستا به‌ڕێزه‌ له‌ شاری قوروه‌ جێگیر ده‌کرێت و هه‌روه‌ها خوێندنگه‌یه‌کی هونه‌ری به‌ناوی ئه‌م مامۆستایه‌ ده‌کرێته‌وه‌.

شایانی باسه‌ که‌ بڕیار وایه‌ له‌ میانه‌ی به‌ڕێوه‌ چوونی ڕێوڕه‌سمی یادی مامۆستا عه‌ره‌بعه‌لی شه‌روه‌ پیشانگایه‌ک له‌ به‌رهه‌مه‌ هونه‌رییه‌کانی نمایش بکرێت.

ناردنی بۆچوون

9 + 8 =