نه‌هێنی پلانه‌کانی ئه‌مریکا و ڕۆژئاوا له‌ سووریا

له‌ حاڵێکدا که‌ زنجیره‌ هه‌وڵه‌کانی ئه‌مریکا له‌ دژی ده‌میشق شکستی هێناوه‌، ئه‌مریکا له‌ دوای پیلانی نوێ له‌ دژی سووریایه‌.

ئاژانسی مێهر، به‌شی نێونه‌ته‌وه‌یی، ڕامین حسه‌ین ئابادیان: ماریا زاخاروا، وته‌بێژی وه‌زاره‌تی ده‌ره‌وه‌ی ڕووسیا له‌ میانه‌ی قسه‌کانی خۆی سه‌باره‌ت به‌ سیناریۆیه‌کی نوێی وڵاتانی ڕۆژئاوایی له‌ دژی دووسیا هۆشداری دا. ئه‌و له‌مباره‌وه‌ وتی: به‌داخه‌وه‌ وڵاتانی ڕۆژئاوایی له‌ دوای دابین کردنی به‌رژوه‌ندی خۆیانن بۆ ئه‌مه‌ش سیناریۆی نوێی له‌ دژی سووریا داده‌ڕێژن، زاخاروا جه‌ختی کرد که‌ ئامانجی سه‌ره‌کی ئه‌مریکا و ڕۆژئاوا له‌ سووریا تاکوو ئێسته‌ ڕوخاندنی ئه‌سه‌د بووه‌ و هیچ گومانێک له‌مباره‌وه‌ نییه‌.

وته‌بێژی وه‌زاره‌تی ده‌ره‌وه‌ی ڕووسیا وتی: ئه‌مریکا له‌ سووریا به‌ پێی به‌رژه‌وه‌ندییه‌کانی خۆی هه‌نگاوی هه‌ڵگرتووه‌، به‌ڵام هه‌وڵه‌کانی شکستی هێناوه‌. ئه‌مه‌ له‌ حاڵێک دایه‌ که‌ ڕووسیا پێشتریش سه‌باره‌ت به‌ هه‌نگاوه‌کانی ئه‌مریکا له‌ چوارچێوه‌ی شه‌ڕی دژ به‌ تیرۆریسته‌کان هۆشداری دابوو، به‌م حاڵه‌شه‌وه‌ وه‌ک دیاره‌ ئه‌مریکا و هاوپه‌یانه‌ ڕۆژئاواییه‌کانی له‌ دوای جێبه‌جێ کردنی پیلانێکی نوێ له‌ کاتێکی گونجاو دان.

ئه‌مریکا له‌ ساڵی ۲۰۱۱ به‌ملاوه‌ به‌ ده‌یان ملیارد دۆلاری ساڵانه‌ ڕاده‌ستی گرووپه‌ تیرۆریستییه‌کانی سووریا کردووه‌ که‌ شه‌ڕی ڕاسته‌وخۆی دیمه‌شقیان کردووه‌ که‌ حکومه‌ته‌که‌ی به‌ ده‌ستی خودی خه‌ڵکی سووریا هه‌ڵبژێردراوه‌. ئه‌وان پاگه‌نده‌یان کردووه‌ که‌ ئه‌م یارمه‌تیانه‌ به‌ ده‌ستی سوپای ئازادی سووریا گه‌یشتووه‌ نه‌ک تیرۆریستیه‌کان.

دوای سه‌رنه‌که‌وتنی پلانی یارمه‌تی گه‌یاندن به‌ تیرۆریسته‌کان ئێسته‌ ئه‌وان له‌ دوای ئه‌وه‌ن که‌ وه‌ها نیشانی بده‌ن  خه‌ڵکی سووریا له‌ حکومه‌تی دیمه‌شق وه‌ڕه‌س بوون و ده‌یانه‌وێت بیگۆڕن. ئه‌مریکا بۆ ئه‌م ئامانجه‌ سووریای له‌ ژێر سه‌خترین گه‌ماڕۆکان داناوه‌ تاکوو ده‌وڵه‌تی دیمه‌شق فاشه‌ل نیشان بدات و به‌ستێن بۆ شۆڕش خۆش بکرێت. دروست کردنی کێشه‌ی ئابووری ده‌بێته‌ هۆی ئه‌وه‌ی که‌ خه‌ڵک له‌ دژی حکومه‌تی سووریا شۆڕش بکه‌ن.

به‌ هۆی وڵام نه‌دانه‌وه‌ی ئه‌م پلانه‌ ئه‌مریکاییه‌کان به‌م ئه‌نجامه‌ گه‌یشتن که‌ خۆیان ڕاسته‌وخۆ و به‌ بیانۆی شه‌ڕی تیرۆریسته‌کان بچنه‌ ناو خاکی سووریا. هه‌ر به‌م بۆنه‌وه‌ سیاسییه‌کانی واشنتۆن ساڵی ۲۰۱۴ هاوپه‌یمانی دژه‌ داعش له‌ سووریایان دروست کرد تاکوو به‌م کاره‌ ڕاسته‌وخۆ سووریا و خه‌ڵکی ئه‌م وڵاته‌ و حکومه‌ته‌که‌ی بۆردمان بکه‌ن و به‌م کاره‌ش به‌ستێنه‌کان بۆ گۆڕینی ئه‌سه‌د ساز بکه‌ن.

به‌م حاڵه‌شه‌وه‌ ئه‌م ڕێکاره‌ دوژمنکارانه‌ به‌ هۆی پشتیوانی باشی ئێران و ڕووسیا سه‌ر نه‌گرت. یارمه‌تی ڕاوێژکاری سه‌ربازی ئێران به‌ سووریا ڕۆڵی گه‌وره‌ی له‌ شكستی پیلانه‌کانی ئه‌مریکا هه‌بووه‌، هه‌روه‌ها پشتیوانی ئاسمانی ڕووسیا له‌ سوپای سووریا بووه‌ هۆی ئه‌وه‌ی که‌ سوپای سووریا شه‌ڕی براوه‌ له‌ مه‌یدانه‌کانی شه‌ڕ به‌ڕێوه‌ ببات. ئه‌مریکا لای وابوو که‌ به‌م هاوپه‌یمانییه‌ به‌ ئاسانی ده‌توانێت ئه‌سه‌د له‌ کار لا ببات که‌ شکستی هێنا.

ئێسته‌ و له‌ دوای شکستی هه‌موو پیلانه‌کانی ئه‌مریکا له‌ سووریا، ئه‌م وڵاته‌ و ڕۆژئاواییه‌کان له‌ دوای پیلانێکی نوێن تاکوو به‌م کاره‌ ئه‌سه‌د له‌ سه‌ر کار لا ببه‌ن. سیناریۆ نوێکه‌ به‌رز کردنه‌وه‌ی یارمه‌تی به‌ دژبه‌ره‌کانی دیمه‌شق و تاوانبار کردنی دیمه‌شق به‌ بۆردمانی چه‌کی کیمیاییه‌.

له‌ ڕاستیدا ئه‌مریکا ده‌یه‌وێت یارمه‌تییه‌کانی خۆی له‌ چوارچێوه‌ی یارمه‌تی به‌ گرووپه‌ دژبه‌ره‌کان به‌ تیرۆریسته‌کان بگه‌یه‌نێت. ئه‌وان بۆ ئه‌م کاره‌ وه‌ک جاران تیرۆریسته‌کانیان به‌ دوو به‌شی باش و خراپ دابه‌ش کردووه‌. ئه‌وان له‌ سه‌ر ئه‌م بڕوایه‌ن ئه‌گه‌ر ئه‌م چه‌کانه‌ به‌ ده‌ستی هاوپه‌یمانه‌کانی ئه‌ون نه‌گات، تیرۆریسته‌کان دیسان سه‌ر هه‌ڵده‌ده‌نه‌وه‌. 

ئه‌مه‌ له‌ حاڵێک دایه‌ که‌ تیرۆریستی باش و خراپ بوونی نییه‌ و کۆمه‌ڵگای جیهانی ناتوانێت شتی وا قبوڵ بکات، که‌سێک تیرۆریست بوو تیرۆریسته‌ چاک و خراپی نییه‌. له‌ ڕاستیدا ئه‌مریکا به‌م کاره‌ ده‌یه‌وێت شکسته‌کانی خۆی له‌ سووریا بشارێته‌وه‌ له‌ ژێر ناوی شه‌ڕ دژ به‌ تیرۆر هه‌نگاو بۆ ڕووخاندنی ده‌سه‌ڵاتی ئه‌سه‌د هه‌ڵبگرێت.

ئه‌مه‌ش ده‌بێت له‌ به‌ر چاو بگرین که‌ ئه‌مریکا له‌ چه‌ند مانگی ڕابردوو شکستی زۆری هێناوه‌، وه‌ک پلانی دروست کردنی سوپای سنووره‌وانی بۆ سووریا که‌ شکستی هێنا. هه‌روه‌ها پلانی ئه‌وان بۆ سه‌ربه‌خۆیی تیرۆریسته‌کانی به‌ره‌ی نوسره‌ له‌ باشووری سووریا شکستی هێنا. هه‌روه‌ها هه‌وڵه‌کان بۆ دابه‌ش کردنی سووریاش به‌ هیچ کوێیه‌ک نه‌گه‌یشتووه‌.

هه‌ر بۆیه‌ ئه‌مریکا له‌ دوای ئه‌وه‌یه‌ به‌م پلانه‌ نوێیانه‌ به‌شێکی زۆر له‌ شكسته‌کانی خۆی له‌ سووریا پڕ بکاته‌وه‌. ئه‌م هه‌وڵه‌ی ئه‌مریکا به‌ هه‌نگاوی هێزه‌کانی سووریا بۆ ئازاد کردنی باشووری سووریا دیسان شکست دێنێت، هه‌نگاوێک که‌ واشنتۆن ناتوانێت به‌ری پێبگرێت.

سه‌ره‌ڕای هه‌موو ئه‌مانه‌ هێزه‌کانی سووریا و سوپای ئه‌م وڵاته‌ هه‌موو هه‌وڵی خۆیان بۆ شه‌ڕ له‌ دژی تیرۆریسته‌کان چڕتر کردووه‌ته‌وه‌ و هه‌ر ڕۆژ هه‌نگاوی باش و سه‌رکه‌وتوو هه‌ڵده‌گرن. ناردنی هێزه‌کانی سووریا بۆ ده‌رعا و قه‌نیتره‌ و سوه‌یدا نیشانی ده‌دات که‌ سوپای سووریا سووره‌ له‌ سه‌ر ده‌ر کردنی تیرۆیسته‌کان له‌م وڵاته‌ و ئه‌وه‌ی له‌ ده‌ستی بێت ده‌یکات. هه‌موو ئه‌مانه‌ش له‌ حاڵێکدا بووه‌ که‌ ئه‌مریکا به‌رده‌وام سه‌باره‌ت به‌م هێرشه‌ی سوپای سووریا هۆشداری داوه‌.

گومانی تێدا نییه‌ که‌ پێگه‌کانی ئه‌مریکا له‌ باشووری سووریا تووشی مه‌ترسی بووه‌ته‌وه‌ که‌ به‌رپرسانی واشنتۆن وه‌ها هه‌ڕه‌شه‌ ده‌که‌ن، ئه‌وان هه‌وڵێکی زۆر ده‌ده‌ن تاکوو به‌ر به‌ سه‌رکه‌وتنی سوپای سووریا له‌ باشووری ئه‌م وڵاته‌ بده‌ن، به‌ڵام دواجار شکست دێنێت.

News Code 19826

نیشانەکان

بۆچوونی ئێوە

You are replying to: .
  • 2 + 1 =