کۆڕی په‌رده‌ لادان لە دوو کتێبی پیشه‌ی حه‌ڵه‌بی سازی و زه‌ڕه‌نگه‌ری

کۆڕی په‌رده‌ لادان له‌ دوو کتێبی حه‌ڵه‌بی سازی و زه‌ڕه‌نگه‌ری له‌ نووسینی فه‌ریدون حسه‌ین په‌ناهی له‌ زانکۆی کوردستان، له‌ سنه‌ به‌ڕێوه‌ ده‌چێت.

به‌ ڕاپۆرتی ئاژانسی مێهر، کۆڕی په‌رده‌ لادان له‌ دوو کتێبی حه‌ڵه‌بی سازی و زه‌ڕه‌نگه‌ری له‌ نووسینی فه‌ریدون حسه‌ین په‌ناهی له‌ ئه‌نیستیتۆی کوردستان ناسی سه‌ر به‌ زانکۆی کوردستان به‌ڕێوه‌ ده‌چێت.

دوو کتێبی حه‌ڵه‌بی سازی و زه‌ڕه‌نگه‌ری به‌شێکه‌ له‌ زنجیره‌ کتێبی پیشه‌ ده‌ستییه‌کانی کوردستان که‌ ئه‌م نووسه‌ر و لێکۆڵه‌ڕه‌ سه‌رقاڵی نووسینه‌وه‌یه‌تی. ئه‌م زنجیره‌ کتێبه‌ به‌ مه‌به‌ستی لێکۆڵینه‌وه‌ و پاراستنی چۆنیه‌تی پیشه‌ ده‌ستییه‌کان له‌ کوردستان ئه‌نجام ده‌بێت و به‌شی سێهه‌م و چواره‌می کتێبه‌که‌ بۆ پیشه‌ی حه‌ڵه‌بی سازی و زه‌ڕه‌نگه‌ری ته‌رخان کراوه‌.

پیشه‌ی حه‌ڵه‌بی سازی و زه‌ڕه‌نگه‌ری سێهه‌مین و چواره‌مین کتێبی ئه‌م زنجیره‌ کتێبه‌یه‌که‌ مانگی گوڵان بڵاو کرایه‌وه‌. پیشه‌ی مسگه‌ریش کتێبێکی  دیکه‌ی ئه‌م زنجیره‌یه‌ بوو که‌ ته‌واو بووه‌ و ساڵی پێشوو ڕه‌وانه‌ی بازاڕی کتێب کرا. 

زنجیره‌ کتێبی پیشه‌ ده‌ستییه‌کانی کوردستان به‌ زمانی کوردی نووسراوه‌ و له‌ چاپ ده‌درێت، له‌م کتێبانه‌دا هه‌موو ڕه‌هه‌نده‌کانی ئه‌م پیشانه‌ به‌ وردی به‌دواداچوونی بۆ کراوه‌ و وه‌ک به‌ڵگه‌ له‌م کتێبانه‌دا نووسراوه‌ته‌وه‌.

به‌شه‌کانی دیکه‌ی ئه‌م زنجیره‌ کتێبه‌ له‌ داهاتوو سه‌باره‌ت به‌ پیشه‌ی که‌وش دووری و ڕۆح سازی و نه‌جاڕی و هتد ته‌رخان ده‌بێت.

ئه‌م کۆڕه‌ چوار شه‌مه‌، 6ی پوشپه‌ڕ، کاتژمێر ۱۵.۳۰ تاکوو ۱۸.۳۰ له‌ هۆڵی مه‌ولوی زانکۆ کوردستان به‌ڕێوه‌ ده‌چێت.

News Code 19812

نیشانەکان

بۆچوونی ئێوە

You are replying to: .
  • 7 + 11 =