پیشانگای پیشەی دەستیی گەلانی ئێرانی لە سنە کرایەوە

پیشانگای پسپۆریی پیشە دەستیییەکان وەک بەشێک لە سێهەمین مێهرەجانی فەرهەنگ و هونەری گەلانی ئێرانی، لە مووزەخانەی سنە کرایەوە.

بە ڕاپۆرتی ئاژانسی هەواڵی مێهر، ئەو پیشانگایە بە ئامادەبوونی حسێن خۆش ئیقباڵ جێگری سیاسی، ئەمنی و کۆمەڵایەتی پارێزگاری کوردستان، زارعی فەرمانداری سنە و تاقمێکی دیکە لە بەرپرسان و چینە جۆراوجۆرەکانی خەڵکی کوردستان کرایەوە.

بەرپرسی کرانەوەی ئەو پیشانگایە لە ڕێوڕەسمی کرانەوەیدا، ڕایگەیاند: پیشانگای پسپۆریی پیشەگەلی دەستی لە ٣٥ ژوور و بە ئامادەبووانی هونەرمەندانی ٢٢ پارێزگای وڵات کراوەتەوە.

تۆفیق شەریعەتی وتیشی: هونەرمەندانی گوندە جیهانییەکانی پیشەی دەستیی کلپورگانی سیستان و بەلووچستان و ٥ شاری جیهانیی پیشەی دەستی کە بریتین لە مەریوان، تەورێز، ئیسفەهان، لالەجین و سیرجان بەشێکن لە میوانان و هونەرمەندانی بەشداربووی ئەم پیشانگایە.

ناوبراو بە ئاماژە بە هەوڵەکان لە پێناو بانگهێشتی تەواو گەلان و فەرهەنگە جۆراوجۆرەکانی وڵات بۆ بەشداری لە پیشانگای پسپۆریی پیشەگەلی دەستیی سێهەمین مێهرەجانی فەرهەنگ و هونەری گەلانی ئێرانی، ڕاشیگەیاند: هونەرمەندانی کوردستانی لە قەوارەی ١٢ ژوور لەو پیشانگایەدا بەرهەمەکانی خۆیان ئاراستە دەکەن.

News Code 19754

نیشانەکان

بۆچوونی ئێوە

You are replying to: .
  • 2 + 12 =