ئامانجه‌کانمان له‌ به‌رجام نەیێتە دی، دەکشینەوە

سه‌رۆکی ڕێکخراوی وزه‌ی ناڤۆکی ئێران مانه‌وه‌ی به‌رجام به‌ ئه‌زمونێک بۆ هه‌موو جیهان وه‌سف کرد و جه‌ختی کرد: ئه‌گه‌ر ئامانجه‌کانی ئێران له‌م ڕێککه‌وتنه‌ نه‌یه‌ته‌ دی، ئه‌گه‌ری مانه‌وه‌ی مومکین نییه‌.

به‌ ڕاپۆرتی ئاژانسی مێهر، عه‌لی ئه‌کبه‌ر ساڵحی، سه‌رۆکی ڕێکخراوی وزه‌ی ناڤۆکی ئێران به‌ مه‌به‌ستی به‌شداری کردن له‌ ئۆسلۆ سه‌ردانی وڵاتی نۆڕوێژی کردووه‌ و له‌ کۆبوونه‌وه‌ی ناوه‌ندی لێکۆڵینه‌وه‌ی نێونه‌ته‌وه‌ی نۆروێژ وتی: ئاشتی و سه‌قامگیری له‌ جیهانی ئه‌مڕۆی ئێمه‌ ڕه‌هه‌ندێکی نێونه‌ته‌وه‌یی هه‌یه‌ و ئێران ۴۰ ساڵه‌ له‌م ڕێجکه‌دا هه‌نگاو هه‌ڵده‌گرێت و به‌رجامیش ئه‌نجامی وه‌ها ڕوانگه‌یه‌که‌.

ئه‌و زیادی کرد: دوای تێپه‌ڕاندنی سه‌ختی زۆر به‌ ڕێککه‌وتنێک گه‌یشتین که‌ هه‌م نیگه‌رانی هێزه‌کانی جیهانی ده‌ڕوانه‌وه‌ و هه‌م پێویستییه‌کانی و مافی خه‌ڵکی ئیرانی تێدا ڕچاو کرابوو. مانه‌وه‌ی به‌رجام ئه‌زمونێک بۆ هه‌موو جیهانه‌ و ئه‌گه‌ر ئامانجه‌کانی ئێران له‌م ڕێککه‌وتنه‌ نه‌یه‌ته‌ دی، ئه‌گه‌ری مانه‌وه‌ی مومکین نییه‌.

سه‌رۆکی ڕێکخراوی وزه‌ی ناڤۆکی ئێران ئاماژه‌ی به‌ هه‌نگاوه‌ سته‌مکارانه‌ و فریوده‌ره‌کانی ئه‌مریکا و ئسیڕائیل له‌ دژی ئێران بۆ ڕاوه‌ستانی ڕێککه‌وتنی ناڤۆکی کرد و وتی: ئێمه‌ داوا ده‌که‌ین تاکوو سه‌باره‌ت به‌ ناوچه‌که‌ش گفتوگۆی هه‌مه‌ لایه‌نه‌ بکرێت و لامان وایه‌ که‌ دانوستانی نێوان هێزه‌ سه‌ره‌کییه‌کانی ناوچه‌که‌ ته‌نیا ڕێگه‌چاره‌ی تێپه‌ڕاندنی کێشه‌کانی ئێسته‌ ڕۆژهه‌ڵاتی ناڤینه‌.

شایانی باسه‌ له‌م دیداره‌ چه‌ندین وته‌ و پرسیار له‌ به‌رپرسی ڕێکخراوی وزه‌ی ناڤۆکی ئێران کرا که‌ زۆربه‌یان دوایان ئه‌وه‌ بوو که‌ ئێران له‌ به‌رانبه‌ر ئه‌مریکا و هه‌نگاوه‌کانی دان به‌ خۆیدا بگرێت و له‌ به‌رجام نه‌کشێته‌وه‌.

News Code 19720

نیشانەکان

بۆچوونی ئێوە

You are replying to: .
  • 6 + 11 =