یەكەم هێڵی فڕۆكەوانی هه‌رێمی کوردستان به‌ فه‌رمی كرایه‌وه‌

ناسەی هەواڵ: 4319392 -
یەكەم هێڵی فڕۆكەوانی هه‌رێمی كوردستان بە فەرمی له‌ شاری هه‌ولێر ده‌ستی به‌ کار کرد.

به‌ ڕاپۆرتی ئاژانسی مێهر له‌ باسنیوز، هێڵی فڕۆكەوانی (فڵای ئەربیل)، دوو فڕۆكەی نەفەرهەڵگری هەیە و لە یەكەم قۆناخدا گەشتەكانی بۆ هەشت وڵاتی جیهان ئەنجام دەدات.

به‌ پێی ئه‌م ڕاپۆرته‌، یەكەم گەشتی ڕۆژی ۱۶ی ئەم مانگە دەبێت، لە نێوان هەولێر و ستكهۆڵمی پایتەختی سوید.

بەم بۆنەیەوە كۆمپانیاكە دوێنێ یەكشەممە رایگەیاند: جگە لەم دوو فڕۆكە که‌ ئێستە هەیانە، لە ماوەیەكی نزیكدا فڕۆكەیەكی نوێ دەكڕن و ژمارەی گەشتەكانیان زیاد دەكەن.

لە ئێستەدا تەواوی ستافی كۆمپانیا فڕۆكەوانیە كوردن، تەنها كاپتنەكان نەبن، هەروەها تابلۆكان و نووسینەكانی سەر تەواوی كەلوپەل و كەرەستەكانی ناو فڕۆكەكان، رێنمایی و زانیارییەكان بەزمانی كوردی نوسراون.

ناردنی بۆچوون

6 + 8 =