کردنه‌وه‌ی ۷۳ پڕۆژه‌ی کشت و کاڵی به‌ بایه‌خی ۴۱ ملیار تمه‌ن له‌ کوردستان

سه‌رۆکی ئیداره‌ی کشت و کاڵی کوردستان وتی: ۷۳ پڕۆژه‌ی کشت و کاڵی به‌ سه‌رمایه‌دانه‌ری زیاتر له‌ ۴۱ ملیارد و ۵۰۰ ملیۆن تمه‌ن به‌ هۆی حه‌فته‌ی کشت و کاڵی له‌ کوردستان ده‌کرێته‌وه‌.

به ڕاپۆرتی ئاژانسی مێهر، خالید جه‌عفه‌ری له‌ میانه‌ی کۆنفڕانسێکی ڕۆژنامه‌وانی به‌ هۆی حه‌فته‌ی کشت و کاڵی وتی: له‌مساڵدا ۷۳ پڕۆژه‌ی نوێمان له‌ به‌شی کشت و کاڵی ده‌ست پێ کردووه‌ که‌ تاکوو ئێسته‌ ۴۱ ملیار و ۵۲۵ ملیۆن تمه‌ن سه‌رمایه‌دانه‌ریان تێدا کراوه‌.

ئه‌و زیادی کرد: ۱۶ پڕۆژه‌یان له‌ به‌شی گیایی، ۴ پڕۆژه‌یی ماسی، ۱۰ پڕۆژه‌ی شیره‌مه‌نی، ۱۹ پڕۆژه‌ی ئاو ، خاک و ئه‌ندازیاری و ۲۳ پڕۆژه‌ی هاوپه‌یوه‌نده‌ به‌ ئاژه‌ڵداری.

سه‌رۆکی ئیداره‌ی کشت و کاڵی کوردستان وتی: به‌ هۆی ئه‌م ۷۳ پڕۆژه‌وه‌ ۳۲۲ که‌س ڕاسته‌وخۆ هه‌لی کاریان بۆ ده‌ڕه‌خسێت و بۆ یه‌ک هه‌زار و ۱۶۷ که‌سی دیکه‌ش به‌ ناڕاسته‌وخۆ هه‌لی کار دروست ده‌کات.

ئه‌و جه‌ختی کرد: کوردستان له‌ ڕووی زه‌وی دێمه‌وه‌ پله‌ی یه‌که‌می له‌ ئێران هه‌یه‌، ساڵانه‌ ۶۵۰ هه‌زار دۆنم له‌ خاکی کوردستان به‌ شێوه‌ی دێم بۆ چاندنی گه‌نم، نۆک و جۆ و هتد به‌ کار دێت. 

جه‌عفه‌ری ئاماژه‌ی دا که‌ ۹۸ له‌ سه‌دی کشت و کاڵی به‌ ئۆتۆمبیل ئه‌نجام ده‌بێت، به‌ڵام له‌ ئاستی باخه‌کان چون قه‌واره‌ی باخه‌کانی کوردستان بچووکه‌، کاره‌کان زیاتر به‌ ده‌ست جێبه‌جێ ده‌کرێت. تاکوو ئه‌و کاته‌ی به‌ره‌و پیشه‌یی بوونی باخداری هه‌نگاو هه‌ڵنگرین ناکرێت به‌ دروستی باسی ئاویاری پیشه‌یی بکه‌ین.

ئه‌و هه‌روه‌ها وتی: ته‌نیا ڕیگه‌ی په‌ره‌ سه‌ندنی باش و ئه‌رخه‌یانی کوردستان په‌ره‌دان به‌ که‌رتی کشت و کاڵی و گه‌شتیارییه‌ که‌ هیوادارم گرنگی زیاتر به‌م دوو بابه‌ته‌ بده‌ین. من به‌ دڵنیاییه‌وه‌ ده‌توانم بڵێم که‌ به‌رهه‌م هێنانی گۆشت، هه‌نگوین، ترێ ڕه‌شه‌، گوێز و شێلک له‌ کوردستان به‌ شێوه‌ی ئۆرگانیک به‌رهه‌م دێت و که‌مترین شتی کیمیایی له‌م به‌رهه‌مانه‌دا به‌ کار دێت.

News Code 19434

نیشانەکان

بۆچوونی ئێوە

You are replying to: .
  • 1 + 3 =