سه‌رۆکی ژووری بازه‌رگانی، پیشه‌ و کشت و کاڵی کوردستان:

۷۰ خوێندکاری هەڵکەوتەی کوردستان بورسیان وەرگرتووە

ناسەی هەواڵ: 4312210 -
سه‌رۆکی ژووری بازه‌رگانی، پیشه‌ و کشت و کاڵی کوردستان له‌ سنه‌ وتی: ئێسته‌ تاکوو ئێسته‌ ۷۰ خوێندکاری هەڵکەوتەی کوردستان بورسیه‌ی خوێندنیان له‌ ناوه‌نده‌ خێرخوازیئه‌براری کوردستان وه‌رگرتووه‌.

به ڕاپۆرتی ئاژانسی مێهر، سه‌ید که‌ماڵ حسه‌ینی وتی: ئاماد بوون و چالاکی به‌شی تایبه‌ت له‌ چالاکییه‌ کۆمه‌ڵایه‌تییه‌کان نیشانی ده‌دات که‌ کۆمه‌ڵگا ئه‌رکه‌کان له‌ ئه‌ستۆ ده‌گیردرێت. وڵاتی ئێمه‌ ئه‌مڕۆ به‌ هۆی گه‌ماڕۆکان ڕووبه‌ڕووی مه‌ترسی زۆر بووه‌ته‌وه‌ و کێشه‌ی زۆرمان له‌ بواری ئابووری و کۆمه‌ڵایه‌تی و ژینگه‌یی هه‌یه‌.

ئه‌و زیادی کرد: به‌شی تایبه‌ت هه‌م له‌گه‌ڵ ده‌وڵه‌ت ئیش ده‌کات هه‌م له‌گه‌ڵ خه‌ڵکی ناو کۆمه‌ڵگا و هه‌مووشمان به‌ باشی ده‌زانین که‌ په‌روه‌رده‌ کردنی باش سه‌ره‌تایی ترین ئه‌رکی هه‌موومانه‌ و ده‌بێت هه‌وڵی بۆ بده‌ین.

حسه‌ینی ئاماژه‌ی دا: ئێمه‌ له‌ ژووری بازه‌رگانی کوردستان ناوه‌ندێکمان به‌ ناوی ناوه‌ندی خێرخوازی ئه‌برار دروست کرا که‌ له‌ دوو به‌شدا چالاکه‌. به‌شی یه‌که‌می ئه‌مه‌ به‌هێز کردن و په‌ره‌دان به‌ دۆخی گونده‌کانه‌ که‌ له‌ پێنج گوندی ناوچه‌ی ساراڵ به‌ نموونه‌ ده‌ستمان به‌م کاره‌ کردووه‌ و فێرکار بۆ گوندشێنه‌کان به‌ڕێوه‌ ده‌چێت.

ئه‌و هه‌روه‌ها وتی: به‌شی دووهه‌می ناوه‌ندی خێرخوازی ئه‌برار بورس کردنی خوێنکارانی لێهاتووی کورده‌ تاکوو ئێسته‌ له‌مباره‌وه‌ ۳۰۰ که‌یس به‌ ده‌ستمان گه‌یشتووه‌ که‌ ۷۰ کەسیان بورسییان وەرگرتووە و ده‌خوێنن.

سه‌رۆکی ژووری بازه‌رگانی، پیشه‌ و کشت و کاڵی کوردستان هیوار خواست که‌ ناوه‌ندی خێرخوازی ئه‌برار توانی ئه‌وه‌ی هه‌بێت خزمه‌تی زیاتر پێشکه‌ش به‌ کۆمه‌ڵگای کوردی بکات.

ناردنی بۆچوون

3 + 15 =