ڕێز له‌ مه‌ولوونامه‌ خوێنه‌ کورده‌کان گیرا

له‌ میانه‌ی ڕێوڕه‌سمێک و به‌ به‌شداریی به‌رپرسانی باڵای پارێزگا، سه‌رجه‌م مه‌ولوونامه‌ خوێنه‌ ناسراوه‌کانی کوردستان ڕێزیان لێ گیرا.

به‌ ڕاپۆرتی ئاژانسی مێهر، ئێواره‌ی پێنج شمه‌، ڕێوڕه‌سمێک به‌ ئاماده‌ بوونی ژماره‌یه‌کی زۆر له‌ به‌ڕێوه‌به‌رانی و به‌رپرسانی پارێزگاکه‌ له‌ هۆڵی تایبه‌تی ناوه‌ندی ده‌نگ و ڕه‌نگی کوردستان به‌ڕێوه‌ چوو، بۆ ڕێز گرتن له‌ هونه‌رمه‌ندانی بواری مۆسیقای خانه‌قایی و مه‌لوونامه‌ خوێنانی پێشه‌نگ و ناسراوه‌ی کوردستان.

به‌رپرسی ته‌له‌فیزیۆنی کوردستان له‌م ڕێوڕه‌سمه‌دا وتی: کوردستان جه‌مسه‌ری سه‌ره‌کی مه‌ولوونامه‌ خوێنی و مه‌دیحه‌ سه‌راییه‌ له‌ ئێران و له‌م ڕووه‌وه‌ هونه‌رمه‌ندی زۆر باش و به‌رچاوی پێشکه‌ش کردووه‌.

ئه‌بولقاسم ئه‌مانۆڵاهی ئاماژه‌ی به‌ زیندوو کردنه‌وه‌ی دیارده‌ فه‌رهه‌نگییه‌ ده‌وڵه‌مه‌نده‌کان کرد و وتی: هه‌وڵ بۆ ڕێز گرتن له‌ مامۆستایانی ئه‌م بواره‌ یه‌کێکه‌ له‌ پێویسته‌ سه‌ره‌کییه‌کان و ده‌بێت ئێمه‌ له‌ دوای ئه‌وه‌ بین تاکوو ئه‌م فه‌رهه‌نگه‌ جوانه‌ به‌ نه‌وه‌ی نوێی بناسێنین.

شایانی باسه‌ که‌ ئه‌م ڕێوڕه‌سمه‌ له‌ دوو به‌شی مه‌ولوونامه‌ خوێنی و ڕێز گرتن له‌ هونه‌رمه‌ندانی مه‌لوونامه‌ خوێنی و پێشه‌نگه‌کان به‌ڕێوه‌ چوو.

News Code 19243

نیشانەکان

بۆچوونی ئێوە

You are replying to: .
  • 6 + 7 =