۵۲ له‌ سه‌د هه‌نارده‌ کردن له‌ کوردستانه‌وه‌ به‌رز بووه‌ته‌وه‌

له‌ میانی دوو مانگی ڕابردوو ۳۷۳ هه‌زار تۆن که‌ل و په‌ل به‌ بایه‌خی ۱۹۸ ملیۆن دۆلار له‌ گومروکاتی کوردستانه‌وه‌ هه‌ناره‌ کراوه‌ که‌ به‌ نیسبه‌ت ساڵی ڕابردوو به‌رزبوونه‌وه‌ی له‌ سه‌دا ۵۲ی هه‌بووه‌.

به‌ ڕاپۆرتی ئاژانسی مێهر له‌ ماڵپه‌ڕی ئیداره‌ی گشتی گومرۆکه‌کانی کوردستان، هه‌نارده‌ کردنی زیاتر له‌ ۸۵ له‌ سه‌دی که‌ل و په‌له‌کان له‌ کوردستان له‌ سنووری باشماخه‌وه‌ ئه‌نجام ده‌بێت، له‌ دوو مانگی ڕابردوو باشماخ ۱۱مین سنووری ئێران بووه‌ که‌ زیاترین که‌ل و په‌لی لێوه‌ هه‌نارده‌ کراوه‌.

زیاترین که‌ل و په‌لی هه‌نارده‌ کراو خوارده‌مه‌نی بووه‌ که‌ ۷۰ له‌ سه‌دی له‌ خۆ گرتووه‌. زۆرترین که‌لی و په‌لی هه‌نارده‌ کراویش بریتین له‌ سه‌وزه‌، میوه‌، گوێره‌که‌ی نێر و که‌ل و په‌لی بیناسازی.

جێگه‌ی ئاماژه‌یه‌ که‌ ده‌وڵه‌تی ئێران ماوه‌ی دوو ساڵه‌ یارمه‌تی بۆ هه‌نارده‌ کردنی که‌ل و په‌لی ناوخۆیی دیاری کردووه‌ و ئه‌مه‌ش بووه‌ته‌ هۆی به‌رز بوونه‌وه‌ی هه‌نارده‌ کردن له‌ سه‌رتانسه‌ری ئێران.

هه‌روه‌ها هاورده‌ کردنی که‌ل و په‌ل له‌م دوو مانگه‌ که‌می کردووه‌، به‌ پێی ئاماره‌کان ۷۵ له‌ سه‌د هاورده‌ کردن له‌ میانه‌ی ۲ مانگی ڕابردوو به‌ نیسبه‌ت ساڵی ڕابردوو که‌می کردووه‌.

زیاترین که‌ل و په‌لی هاورده‌کراویش ئامێری میکانیکی و پاشماوه‌ی پلاستیکی و به‌رهه‌مه‌ کیمیاییه‌کان بووه‌.

هه‌روه‌ها له‌م دوو مانگه‌دا ۳۰۸ هه‌زار تۆن که‌ل و په‌ل به‌ بایه‌خی ۷۱۵ میلیۆن له‌ باشماخه‌وه‌ تڕانزیت کراوه‌ که‌ به‌ نیسبه‌ت ساڵی ڕابردوو ۳۵ له‌ سه‌د به‌رز بووه‌ته‌وه‌.

News Code 19172

نیشانەکان

بۆچوونی ئێوە

You are replying to: .
  • 5 + 8 =