ڕیاڵ مه‌درید بووه‌ پاڵه‌وانی ئه‌ورووپا

یانەى ریاڵ مەدرید بە سێ گۆڵ بەرامبەر بەگۆڵێک لە لیڤەرپوڵی بردەوەو بۆ جاری سێیەم لەسەر یەک بووە پاڵەوانی چامپیۆنز لیگ.

به‌ ڕاپۆرتتی ئاژانسی هه‌واڵی مێهر، لە یاریی کۆتایی خولی یانە پاڵەوانەکانی ئەوروپا، هەردوو یانەى ریاڵ مەدرید و لیڤەرپوڵ شه‌وی رابردوو له‌ شاری کیه‌ف روبەروی یەک بوونەوە.

لەخولەکی ۳۰ یارییەکە محەمەد سەڵاح بەهۆی پێکانەوە یاریگاى جێهێشت و تایمی یەکەم هەردولا بە بێ گۆڵ یەکسان بوون.

له‌ تایمی دووەمدا کەریم بنزێما بەهۆی هەڵەى گۆڵچیەوە گۆڵی پێشکەوتنی تۆمارکرد، بەڵام سادیۆ مانی گۆڵی بەرامبەری کردەوە و ئەنجامەکە یەکسان بوەوە.

دواتر گاریس بەیل هاته‌ مه‌یدان و دوو گۆڵی یه‌ک له‌ دوای یه‌کی تۆمار کرد و یاریەکە هەر بەو ئەنجامە و بە سێ گۆڵ بەرامبەر بە گۆڵێک لەسودی ریاڵ مەدرید کۆتایی هات.

بەوش ریاڵ مەدرید بۆ جاری سێیەم لەسەر یەک بوە پاڵەوانی چامپیۆنزلیگ و بۆ جاری سیانزەیەمیش لە مێژویدا جامەکەى بەرزکردەوە.

News Code 19089

نیشانەکان

بۆچوونی ئێوە

You are replying to: .
  • 1 + 14 =